Тимот на Мулти Есенс ја забележа деветтата победа во исто толку натпревари во прволигашката конкуренција.
Избраниците на Бранко Ангеловски славеа на гостински терен кај Шампион со убедливи 38-23.
Победникот беше најавен уште по првиот дел, кога новиот прволигаш направи солидна предност од четири гола, 15-11.
Димитар Узунчев даде шест гола за Мулти Есенс, а по пет постигнаа Дамјан Митев и Дамјан Георгиевски. Во составот на Шампион, Филип Спирковски и Ненад Билбилоски стреллаа по пет пати.
Во следното коло Мулти Есенс ќе игра дома со Овче Поле, додека Шампион оди на гости кај тимот на Кичево.
ПОВРЗАНИ ВЕСТИ
