Исланд без Палмарсон е за класа послаб, Португалија ги среди „рибарите“

Португалија имаше успешно отворање на Светското првенство во Египет откако ја совлада репрезентацијата на Исланд со 25:23. Ова беше трет меѓусебен дуел на овие ривали откако пред неколку дена играа двомеч во квалификациите на ЕП 2022.

Почетокот на натпреварот им припадна на ракометарите на Исланд, поведоа со 2:0 но Португалија многу брзо се врати и израмни на 4:4. Потоа следуваше период на неизвесна игра гол за гол. Со серија од три последователни гола Португалија во завршните минути од првиот дел поведе за првпат со два гола, 9:7.

Исланд не дозволи противникот да се одлепи и да отиде на одмор со посигурна предност, возврати со два гола по ред и повторно беше израмнето. Со цврста игра во одбраната на двете страни, првото полувреме заврши со малку голови, а Португалија беше подобра за еден гол, 11:10.

Во продолжението на натпреварот Португалија имаше нешто поквалитетно издание, веднаш на стартот успеа да „избега“ на четири гола 15:11 што беше највисокото водство дотогаш за една од екипите. Исланд тешко се враќаше во игра, заостанувањето од три до четири гола стана постојано и недостижно за нив. Најмногу што успеаја беше да се доближат на два, но Португалија знаеше како да го одбие ударот и да стигне до првата победа на Мундијалот.

Предводник на Португалија во победата беше Соареш со шест гола, пет постигна Портела, додека четирипати погоди Соарес. Во репрезентацијата на Исланд, Елисон со шест гола беше прв стрелец, а четирипати беше прецизен Гудјонсон.

ПОРТУГАЛИЈАИСЛАНД 14 јануари 2021 25 - 23 Крај

Детали

Датум	Време	Лига	Сезона	Match Day	Крај
14 јануари 2021	22:09	ГРУПА Ф	2020/2021	14.01.2021	60'

Резултати

Екипа	1-во полувреме	2-ро полувреме	Резултат
ПОРТУГАЛИЈА	11	25	Победа
ИСЛАНД	10	23	Пораз

ПОРТУГАЛИЈА

#	Играч	Позиција	Исклучување	Голови
1	Алфредо Кинтана	голман	0	0
4	Педро Портела	лево крило	0	5
5	Жилберто Дуарте	лев бек	1	0
8	Виктор Итуриза	пивот	0	2
9	Жоао Фераз	десен бек	1	0
10	Мигел Мартинс	централен бек	0	6
11	Белоне Мореира	десен бек	0	0
14	Руи Силва	централен бек	0	2
15	Дајмаро Салина	пивот	0	0
16	Умберто Гомес	голман	0	0
22	Алексис Боргес	пивот	1	0
23	Диого Бранкињо	лево крило	0	2
25	Антонио Арија	десно крило	0	1
27	Андре Гомес	лев бек	0	4
30	Леонел Фернандес	лево крило	0	2
88	Фабио Магаљаеш	лев бек	0	1
	Вкупно		3	25

ИСЛАНД

#	Играч	Позиција	Исклучување	Голови
7	Виго Кристјансон	десен бек	0	0
8	Бјарки Мар Елисон	лево крило	0	6
9	Елвар Јонсон	централен бек	0	3
11	Имир Гисласон	пивот	2	1
13	Олафур Гудмундсон	лев бек	0	2
14	Омар Магнусон	десен бек	1	2
15	Александер Петерсон	десен бек	1	2
16	Виктор Халгримсон	голман	0	0
17	Арнор Гунарсон	десно крило	0	0
18	Гисли Кристјансон	централен бек	0	2
20	Агуст Бјоргвинсон	голман	0	0
21	Арнар Арнарсон	пивот	0	1
22	Сигвалди Бјорн Гудјонсон	десно крило	0	4
23	Одур Гретарсон	лево крило	0	0
29	Елиди Видарсон	пивот	0	0
33	Јанус Смарасон	централен бек	0	0
	Вкупно		4	23

Officials

Судии:
Вацлав Хорачек -Чешка Јири Новотни -Чешка