Претстојниот викенд ги очекуваме борбите во Лигата на шампионите за освојување на големиот пехар. Битката за шампион на Европа ќе ја водат Барса, ПСЖ, Алборг и Нант, а полуфиналињата се во сабота, додека финалето во недела.
Завршниот турнир во Келн секогаш е непредвидлив и најчесто главните фаворити не успеваат да триумфираат. Секогаш овој турнир го одбележуваат интересни бројки а еве некои од нив во продолжение.
0 – Ниту еден клуб го нема одбранието трофејот од Лигата на шампионите откако е воведен завршен турнир во 2010 година.
1 – Еден клуб ќе дебитира на фајнал-форот, а тоа е данскиот Алборг.
1 – И понатаму единствен кој го одбранил трофејот од Лигата на шампионите е Иван Чупиќ, првпат го освои со Келце во 2016 година, а следната го повтори успехот со Вардар.
1 – Филип Јиха е единствениот кој има освоено титула во Келн како играч и како тренер. Во 2010 и 2012 година како играч на Кил, а во 2020 година како трнер на истиот тим.
1 – Еден гол беше најмалата разлика во вкупен резултат во четвртфиналињата, Алборг го елиминираше Фленсбург со 55:55, додека во претходната рунда го елиминираше Порто благодарение на повеќе постигнати голови во гости.
1 – Единствениот тим кој е на фајнал-фор со две победи од четвртфиналето е Барселона која двапати го совлада Мешков Брест.
1 – Еден клуб од учесниците на фајнал-форот претходно го има освоено трофејот, тоа е Барселона, а уште го освоиле Кил, Фленсбург, Вардар, Келце и Целје.
2 – два од четирите тренери го имаат освоено трофејот од ЛШ како тренери во минатото, Чави Пасквал со Барселона и Раул Гонзалес со Вардар.
2 – два од четири тима бееа на претходниот фајнал-фор, а тоа се ПСЖ и Барселона.
3 – тројца шпански тренери се повторно на завршниот турнир и ја потврдуваат доминцијата, Чави Пасквал, Раул Гонзалес и Алберто Ентрериос и еден од нив сигурно ќе биде финалист.
3 – тројца до сега ја имаат освоено Лигата на шампионите и како тренери и како играчи, Роберто Парондо играч со Сиудад Реал и тренер на Вардар, Талант Душебаев со Сантандер како играч и Сиудад Реал и Келце како тренер и Филип Јиха со Кил и како играч и како тренер.
5 – пет држави ги даваат последните 12 победници во Лигата на шампионите, а тие се Шпанија, Германија, Македонија, Полска и Франција.
9 – по девети пат од 2010 година бранителот на титулата не се квалификува на завршниот турнир.
14 – ракометари кои претходно го освоиле трофејот од ЛШ се во составите на Барселона – седум, ПСЖ – четири и Нант – три, додека од тимот на Алборг ниту еден го нема освоено трофејот.
20 – дваесет разлика е најголемата победа на еден клуб изминатата сезона, а тоа е победата на Барселона над Елверум со 39:19.
45 – натпревари Барселона е без пораз на домашен терен во Лигата на шампиони од кои се 27 победи во низа.
483 – гола беа постигнати на осумте четвртфинални натпревари или во просек околу 60 гола по меч.
654 – гола постигна Барселона со што го има далеку најдобриот напад во изминатата сезона со просек од 36 гола на 18 натпревари.
7420 – гола беа постигнати на 123 одиграни натпревари од кои 6102 во групната фаза и 835 во нокаут фазата.