Репрезентацијата на Унгарија оствари важна победа над Австрија со 29:26 во натпревар од 2. коло од главната фаза на Светското првенство 2025.
Иако Австрија за нијанса беше подобра во првиот дел, сепак, Унгарија се врати во вторите 30 минути и направи комплетен пресврт.
Откако избраниците на Алеш Пајовиќ имаа 13:12 на полувреме, составот предводен од Родригез се врати во игра во вториот дел и во 35-та минута ја презеде предноста.
Унгарија до 50-та минута константно водеше со 1 до 2 гола разлика, а во последните десет минути успеа да дојде до поголема позитива.
За пласман во четвртфиналето, репрезентацијата на Унгарија ќе треба да триумфира над Катар, кој денека беше поразен од Македонија.
Данска одигра без проблеми против Швајцарија, триумфираше со 39:28 (18:11) и се израдува на петта победа на Мундијалот.
Данците во последното коло од групната фаза ќе играат со Чешка, додека Швајцарија ќе се соочи со незгодната Италија.
