Некогашниот пелистерец ќе го менува повредениот Мартиновиќ во Хрватска

Репрезентацијата на Хрватска, која во второто коло на Европското првенство одигра само реми против Австрија, настапот на континенталниот собир ќе го продолжи без Иван Мартиновиќ.

Еден од најдобрите поединци во таборот на „коцкестите“ во дуелот со Австрија заработи повреда на десното рамо и нема да може да им помогне на своите репрезентативни колеги во понатамошниот дел од Европското првенство.

Селекторот Горан Перковац одлучи засега да не повикува дополнително нови играчи, па така на местото на Мартиновиќ ќе игра екс ракометарот на Еурофарм Пелистер, Матео Мараш, кој беше на трибини во првите две кола.

Хрватска во рамки од последното коло од групната фаза ќе ги одмери силите со репрезентацијата на Романија. Четата на Чави Пасквал веќе е елиминирана и по дуелот со Хрватска ќе си замине дома.

ШОК за Хрватска: Иван Мартиновиќ го заврши настапот на ЕП!