Ракометарите на Тиквеш по триумфот над Вардар, ќе имаат незгодно гостување кај Бутел Скопје, кој досега нема победа по три кола во плеј-офот.
Некогашниот лев бек на Бутел, а сега на Тиквеш – Мартин Манасков, вели дека успехот против Вардар ќе биде голема мотивација за продолжување со победите.
„По триумфот над Вардар, атмосферата во клубот е позитивна и уверени сме дека тој успех ќе ни биде дополнителна мотивација за да ја продолжиме серијата победи во супергигашкиот плеј-оф“, вели Манасков.
Тој беше дел од Бутел Скопје и доволно го познава ривалот.
„Играв во Бутел Скопје и доста добро ги познавам ракометарите кои и тогаш играа со мене. Знам како е да се игра таму на теренот во Бутел Скопје. Ние треба да останеме фокусирани на задачите, да ја примениме тактиката на тренерот на терен, со тимска игра и голема борбеност да оствариме уште една победа“, заврши Манасков.
Натпреварот меѓу Бутел Скопје и Тиквеш се игра в сабота во салата „Антон Димитров“ со почеток во 18:00 часот.
ПОВРЗАНИ ВЕСТИ
