Куманово е на добар пат во плејаутот да пренесе два бода, бидејќи славеше со 32-25 во директен дуел со тим од долниот дел на табелата, Бисинов од Велес. Домашните ракометари имаа двапати одлични завршни минути, и во првото и второто полувреме кога ја направи разликата која беше клучна за победата.
На зимска пауза Куманово заминува со 8 бода, два повеќе од Струга и Бисинов, и седум повеќе од Радовиш, екипите кои се на последните места на табелата. Според пропозициите последниот испаѓа директно, а претпоследниот ќе игра бараж за опстанок. Седмопласираниот ќе пренесе 3 бода, следните две екипи по два бода во разигрувањето за опстанок.
Во првото полувреме Бисинов на моменти имаше и предност, но во последнит еминути Куманово не само пресврт, туку имаше и залиха од „плус 5“, па на одмор замина со предност 16-11.
Слично беше во вториот дел, кога Бисинов стигна на „минус 2“, а потоа домашните ја подигнаа предноста на 27-21, со што беше јасно кој ќе победи. До крај беше само рутина за Куманово да ја задржи предноста.
До крајот на февруари ќе трае преодниот рок, и ако сака да избегне бараж, Бисинов ќе треба да донесе засилувања, а сигурно и Куманово ќе се засили бидејќи Бразилецот Винициус заминува во Охрид.
ТАБЕЛА
