Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во пролетниот дел од сезоната.
На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.
Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 4 коло од плеј-оф/аут во суперлигашката конкуренција.
Едноставно, гласајте за ракометарот за кој сметате дека бил меѓу најдобрите и го одбележал ова коло.
Meѓу номинираните за ова коло има двајца ракометари од Охрид и по еден ракометар од Еурофарм Пелистер 2, Вардар, Прилеп, Куманово и „сино-белите“ од Автокоманда.
За МВП на колото ќе можете да гласате до понеделник до 12 часот.
Супер лига, плеј-оф/аут 4. коло, резултати:
БУТЕЛ СКОПЈЕ – АЛКАЛОИД 21-37
ЕУРОФАРМ ПЕЛИСТЕР – ОХРИД 26-27
ТИКВЕШ – ВАРДАР 24-35
РАДОВИШ – КУМАНОВО 24-28
ПРОЛЕТ – ПРИЛЕП 29-30
ЕУРОФАРМ ПЕЛИСТЕР 2 – СТРУГА 38-22
ИДЕАЛЕН ТИМ НА 4. КОЛО ОД ПЛЕЈ-ОФ/АУТ ВО СУПЕР МАШКАТА ЛИГА
Голман: Иван Ангелески (Прилеп) – Голманот запиша 14 одбрани и беше меѓу најдобрите против Пролет.
Лево крило: Иван Џонов (Алкалоид) – Левото крило беше најдобар стрелец со осум погодоци против Бутел Скопје.
Лев бек: Тоше Ончев (Куманово) – Беше меѓу најдобрите во кумановскиот тим во победата над Радовиш.
Среден бек: Тилен Стрмљан (Охрид) – Словенечкиот интернационалец беше лидер на триумфот во Битола, даде пет гола, меѓу кои и победничкиот во последната секунда.
Десен бек: Урош Митровиќ (Вардар) – Српскиот десен игра во одлична форма, а беше најдобар кај вардарци во лесната победа во Кавадарци.
Десно крило: Ален Ќосевски (Охрид) – Десното крило беше меѓу најдобрите во триумфот над шампионот Еурофарм Пелистер.
Пивот: Петар Маркоски (Еурофарм Пелистер 2) – Кружниот напаѓач одигра одличен натпревар против неговиот матичен клуб.
