РК ЦЕЛЈЕ ПИВОВАРНА ЛАШКО
Еден од најстарите клубови во Европа, словенечки Целје е формиран во далечната 1947 година во рамките на Спортското друштво Кладивар. Во 1989 година клубот ќе се ребрендира и ќе добие моќен спонзор во името на Пивоварна Лашко. Целје првата титула на домашна сезона освоил во сезона 1991/92 и од тој период започнува да доминира во Словенија. Во својата клупска историја има освоено 21 титула во Купот на Словенија, 25 пати ја освојувал домашна лига и седум пати победувал во домашниот Супер Куп, а во 2004 година го освои и Супер Купот на Европа. Најдобриот клуб од Словенија има титула од Лигата на шампионите. Целје првпат станал европски првак во сезона 2003/04 и шестпати играл во полуфиналето во најквалитетното европско натпреварување.