Хрватскиот шампион Загреб не успеа да дојде до 4-ти сезонски триумф во Лигата на шампионите, откако на свој терен одигра реми против Колстад, 25:25.
И покрај ремито, Загреб, исто како и Колстад, останува во игра за пласман во осминафиналето, но потешка задача ќе има клубот од Загреб, бидејќи во последните три кола ќе игра против Алборг и Келце.
Двете екипи имаа свои моменти на натпреварот, домаќините имаа плус два на осум минути пред финишот, но гостите од Норвешка се вратија во игра и имаа шанса да победат, но во последниот напад не успеаја да реализираат.
Еден од најзаслужните за ремито на Загреб беше голманот Анте Грбавац, натпреварот го заврши со десет интервенции, на спротивната страна Торбјорн Бергеруд имаше две повеќе, односно 12.
Данскиот вицепрвак Фредериција пружи солиден отпор на домашен терен против ПСЖ, но остана без бодови.
Составот на Раул Гонзалез победи со 38:32 (16:17), а двата бода ги освои откако се разбуди во последните 20 минути.
ПСЖ во победата беше предводен од кружниот напаѓач Камил Шипжак, кој постигна десет погодоци, а го следеше Елохин Пранди со шест.
Во составот на Фредериција неколку ракометари беа расположени за игра, како најефикасни се истакнаа Мартин Бисгард и Рение Табоада, двајцата имаа по шест погодоци.
