Ракометарите на Вардар Неготино ја запишаа чевртата победа во прволигашката конкуренција, откако на домашен терен славеа над Партизан Гевгелија со 48-24.

Победникот на оваа средба беше познат уште по првиот дел кога избраниците на Аце Станковски водеа со 25-11.

Второто полувреме беше само формално одработување на задачата и без проблеми предноста на домашните беше дуплирана.

Најдобри стрелци во победничкиот тим беа Наќе Ѓорѓев и Костадин Петров со по девет гола, а Мартин Димов даде осум.

Во составот на Партизан Гевгелија се истакнаа Горан Лисичков со шест и Стојан Наумовски со пет реализации.

Вардар Неготино е втор на табелата со девет бод, еден помалку од првопласираниот Драчево Јуниор кој има десет бодови.

Драчево Јуниор го совлада Аеродром со 26-23 (14-7) во шестото коло од Првата машка лига. Двете екипи влегоа во меѓусебниот дуел со по осум бода, а со победата Драчево стигна до десет и моментно е сам на првото место. Аеродром остана на осум бода и засега е втор, додека преостанатите натпревари од колото сè уште треба да се одиграат.

Драчево Јуниор поведе со 4-1, во десеттата минута имаше 6-2, а до средината на првото полувреме се одвои на 9-5. Клучниот удар до паузата го зададе по водството од 10-6, гостите постигнаа четири гола по ред за 14-6. Михаил Митановски погоди на крајот од полувремето и го постави резултатот 7-14.

Аеродром имаше можност да ја запре таа серија, но Бојан Божиновски не реализираше седмерец при 6-12. На почетокот од вториот дел домаќините промашија уште два пенала, а Драчево ја одржуваше високата предност. Резултатот беше 10-18 во 36. минута, што, заедно со 6-14 од првиот дел, беше највисоката разлика на натпреварот.

Гостите водеа и со 21-14 во 45. минута. Аеродром го подобри впечатокот во завршницата и од 18-24 стигна до 22-25, но за посериозен повраток немаше време. Давид Најдовски погоди за 26-22, а Митановски го постави конечниот резултат во последните секунди.

Теодор Пецаноски беше најефикасен кај Драчево Јуниор со седум гола. Виктор Панчевски и Јован Марковски постигнаа по пет, а Најдовски три. За Аеродром, Митановски даде седум гола, додека Божиновски и Бојан Поповски завршија со по пет.

Победата го остави Драчево Јуниор непоразен по шест кола, со четири победи и две ремија. Во следното коло ќе ја пречека Македонија Ѓорче Петров, додека Аеродром ќе гостува кај Пролет 62.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Тимот на Охрид ги пушти во продажба билетите за натпреварите од второто коло во ЕХФ Европскиот Куп против турскиот Спор Тото.

Двата натпревари ќе се одиграат во СРЦ „Билјанини извори“ на 23 и 24 октомври, со почеток од 18:30 часот.

Билетите за натпреварите ќе може да се набават исклучиво на билетарата при СРЦ „Билјанини извори“ по популарни цени.

Билет за еден натпревар ќе чини 200 денари, а блок билет за двата натпревари 300 денари, а тие ќе се продаваат на билетарницата на салата.

Продажбата започна од вчерашниот ден, а ќе се одвива секој ден од 15:00 до 18:00 часот.

Ракометарите на Бутел Скопје денеска го играат првиот натпревар од второто коло во ЕХФ Европскиот Куп против хрватската Горица.

Стратегот Стојанче Стоилов ги избра 16 ракометари што ќе настапат против хрватската екипа, а надвор од комбинација останаа голманот Трсунов, крилата Аврамовски и Симоновски, бековите Аксентиев, Ѓорѓески и Симовски, но и повредениот Спасовски…

Тренерот на Горица, Матеј Мишковиќ, ќе смета на тројцата голмани – Сориќ, Матошевиќ и Турчиќ, а ќе изостанат левите Бакула, Барешиќ, Баришиќ и Ковачевиќ, но и најдобриот ракометар клубот – левото крило Давор Чавар, кој долги години го носеше дресот на Загреб.

Натпреварот меѓу Горица и Бутел Скопје се игра од 18:00 часот во градската сала во Велика Горица.

Ракометарките на Вардар полесно од очекувањата славеа со 33-28 во натпреварот од 6 коло во Супер женската лига.

Натпреварот го одбележаа ракометарката на Вардар, Леона Миленкоска, како и двете членки на Атлетик, Сара Богојеска и Анастасија Величковска, кои постигнаа по десет погодоци.

По 6-6 по десетина минути, Вардар отиде на плус три, 9-6, и оттогаш до крајот на натпреварот не ја испушти предноста, која не беше помала од три погодоци. На паузата избраничките на Даниела Новеска водеа со 14-11, а во вториот дел немаше големи возбудувања.

Покрај Миленкоска, во победничкиот состав се истакнаа Трифуновска со седум, Тодоровска со шест и Мила Лашкоска со пет погодоци, а кај Атлетик пет пати погоди Дамјановска.

Во следното коло по ЕХФ паузата, Вардар ќе го пречека Пелистер, додека Атлетик ќе му гостува на Ѓорче Петров 2.