По скандалозниот натпревар од Купот на Македонија меѓу Скопје и Гевгелија и одлуките на Дисциплинската Комисија на РФМ, се огласија и од Министерството за спорт.

Toa што го најави министерот за спорт, Борко Ристовски, веднаш по мечот меѓу Скопје и Гевгелија, денеска доби своја официјлизација, и на двата клуба им се поништени решенијата за дејност спорт.

„Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба.
Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.
По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и ЖРК Скопје со што тие повеќе немаат легитимитет да настапуваат во националниот систем на натпревари во македонскиот ракомет.
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест“, се вели во соопштението.

Претходно Дисциплинската комисија на РФМ ги исфрли двете екипи од Женската лига, а покрај сениорските, ќе бидат исклучени и сите нивни екипи во младинските категории.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Две години суспензии за Радуловиќ, Треноска и Беќарова, казна и за делегатот на скандалозниот натпревар!

Одлуките на Дисциплинската комисија на Ракометната федерација на Македонија по скандалозниот натпревар меѓу Скопје и Гевгелија од Купот на Македонија, денеска беа потврдени во билтенот на РФМ.

Како што прв објави 24Ракомет, Скопје и Гевгелија се исклучени од Женската лига до крајот на сезоната, како сениорските, така и сите нивни младински екипи.

Одговорните лица на двата клуба – Валентина Радуловиќ, Веселинка Треноска и Јулија Беќарова се казнети со двегодишни суспензии.

Делегатот на овој натпревар, Митко Ѓорѓиевски, исто така доби казна од шест месеци, поради пропусти при составувањето на записникот.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Викендов во рамки од 11. коло од Супер лигата ќе се одигра дерби дуелот меѓу Охрид и „сино-белите“ од Автокоманда.

Охриѓани на 10 натпревари остварија осум победи, а натпреварот со првопласираниот тим од Автокоманда за нив ќе биде императив да им се вратат на победите во суперлигашкото друштво.

Од Охрид информираа дека продажбата на карти за дерби дерби дуелот ќе стартува од денеска од 12:00 часот во охридската чаршија “Кај Аждер” и пред самиот натпревар на билетарницата во спортската сала „Билјанини Извори“.

Се очекува избраниците на Стевче Алушовски да имата голема поддршка од трибините, бидејќи навивачката група „Рибари“ ќе прослави 35 години од своето постоење.

Дерби дуелот меѓу двете екипи ќе се одигра в сабота, со почеток од 18:30 часот.

Ракометарките на Чаир се на патот до најголемиот клупски успех и викендов ќе го одиграат двомечот од третото коло во Европскиот Куп против португалската екипа Колехио Де Гаиа.

Чаир, кој досега во сезоната нема ниту еден пораз и запиша десет победи на домашна сцена и уште две на европска сцена, ќе има голем предизвик, а тренерот Басри Љатифи вели дека ривалот не смее да се потцени.

„Без разлика што моментално се во благ пад на формата, противникот е секогаш опасен и на крајот на сезоната очекувам да бидат во ТОП 4 во португалскиот шампионат. Имаме доволно информации за противникот, гледавме и видеа од нивните последни натпревари дома и на меѓународна сцена, па утврдивме дека најголемата опасност доаѓа од пивотот, која е репрезентативка на Португалија. Имаат и добра транзиција и полуконтра“, вели Љатифи.

Чаир има само победи од стартот на сезоната.

„Добрата атмосфера и досегашните победи во првенството, во Купот и во Европскиот Куп, придонесоа за да имаме одлична атмосфера во тимот и мотивирано да влеземе во овој круг за кој мислиме дека може да го поминеме и да се пласираме во осминафиналето“, продолжи Љатифи.

Чаирчанки би требало да бидат во комплетен ростер, но загрижува повредата на искусната Габриела Величковска.

„Габриела Величковска има повреда, можеби е посериозна, но мислиме дека до натпреварот со Колехио Де Гаиа ќе може да се опорави. Таа е столбот на нашата одбрана, и сметам дека ќе биде хендикеп за нас ако не успее да се врати навреме“, вели Љатифи.

Тој уверува дека ракометарките се и физички и психички подготвени за големиот предизвик, иако во последно време одиграа голем број натпревари.

„Освен натпреварот со Куманово во рамките на Купот на Македонија, кој беше еден вистински тест за нас и покрај високиот ритам успеавме да победиме, сите други на домашна сцена беа полесни, без да ги потцениме ривалите. Нашиот квалитет беше неспорен и завршивме без проблеми. Сите се физички и психички спремни за овој предизвик и мислам дека ќе дадеме 110% од можностите да го искористиме овој историски момент за подвиг кој ќе биде голем мотив за понатамошните чекори на нашиот клуб“, заврши Љатифи.

Првиот натпревар меѓу Чаир и Колехио Де Гаиа се игра на 16 ноември од 16:00 часот во Автокоманда, додека реваншот е утредента на истото место во истото време.

Поранешниот српски репрезентативец и екс ракометар на Вардар, Божидар Надовеза, ќе има нов тренерски предизвик во кариерата.

Тој е нов предводник на тимот на Црвенка, кој се натпреварува во Супер Б лигата на Србија, a тренерската смена доаѓа по трите порази.

Надовеза има 43 години и богата играчка кариера што освен во Србија, ја градеше и во Романија, Македонија, Босна и Херцеговина, како и во Шпанија.

На почетокот на кариерата играше за Југовиќ Каќ и Војводина, па Стеауа Букурешт, Босна Сараево, Бенфика, пред да дојде во Вардар. Во „црвено-црниот“ тим одигра една сезона кога Вардар во Купот на победниците на куповите стигна до полуфиналето во 2010/11 и играше против Гумерсбах.

Тогаш Надовеза беше меѓу најдобрите стрелци во Вардар и успеа да постигне 40 погодоци. После Македонија играше Црвена Ѕвезда и Војводина, како и за шпанската Хелветиа Анаитасуна, а тренерската кариера ја почна во Херцеговац.