Деновиве топ тема низ светот е војната во Израел и нападот на Хамас на повеќе градови во оваа држава, а сите спортски настани се одложени на неодредено време.
Македонија оваа сезона има двајца интернационалци во израелскиот шампионат, а тоа се голманот на Макаби Ришон Ле Зион, Градимир Чаневски и средниот бек на Бнеи Херцлија, Ивана Арсениевска.
Чаневски навреме се врати во татковината, додека Арсениевска од претходно е во Македонија поради ЕХФ неделата. Израелските клубови во сите спортови им дозволија на интернационалците привремено да се вратат во своите држави.
Министерството за Спорт и Култура донесе одлука за прекин на сите спортски настани, а според информациите од израелската федерација првичен термин за продолжување на натпреварите е 22 октомври.
Одложени се натпреварите на женската селекција на Израел против Словачка и Израел од квалификациите за ЕП 2024 година, а веројатно ќе биде исто и со натпреварите нa Хапоел Холон, Хапоел Ашдод, Макаби Ришон Ле Зион и Макаби Аразим Рамат Ган во машкиот и женскиот Европски Куп.
ПОВРЗАНИ ВЕСТИ
