Тимот на Пролет забележа победа од 30-23 над Тиквеш, во првиот и единствен подготвителен натпревар што избраниците на тренерот Лембанов го одиграа во овој подготвителен период во пресрет на вториот дел од сезоната.
Пролет на овој меч настапи без Пецаковски и без Пејовиќ, а во таборот на Тиквеш недостигаше пивотот Стефановиќ, но избраниците на Лембанов беа на висина на задачата, го контролираа резултатот и заслужено стигнаа до победата.
Скопскиот клуб беше подобар во текот на целиот натпревар, а ефикасниот напад беше причина на одмор да се замине со водство од 16-13.
Лембанов има од што да биде задоволен бидејќи во вторите 30 минути профункционира и одбраната, гостите од Кавадарци постигнаа само десет гола за цело полувреме, па Пролет го доби овој меч со убедливи седум гола позитива.
Наредната среда почнува пролетниот дел од сезоната во Суперлигата.
ПОВРЗАНИ ВЕСТИ
