Ракометарите на Охрид продолжуваат во победнички ритам на контролните дуели пред почетокот на вториот дел од сезоната, во која тимот на Горан Андоновски ќе игра во плеј-оф фазата.
Охриѓани денес во пријателски меч против екипата на Струга остварија убедлив триумф од 29:21.
Победникот веќе беше познат уште по првото полувреме, кое што заврши со резултат 16:9 за екипата на Андоновски.
Тимот на Охрид претходно во подготвителниот период славеше убедливо против Куманово, додека на турнејата во Србија беше подобар од Партизан со 28:26, а во дуелот со Црвена Ѕвезда доживеа пораз од 35:34.
За Стружани денешниот пријателски меч беше втор во низа, откако пред извесен период ракометарите на Жарко Ферукоски на гостувањето во Прилеп против истоимената екипа триумфираа со 35:23.
Струга во вториот дел од сезоната ќе игра во плеј-аут фазата, а нејзини ривали во борбата за опстанок ќе бидат екипите на Прилеп, Радовиш, Вардар Неготино, Куманово, Јуниор КВ, Голден Арт и Скопје.
ПОВРЗАНИ ВЕСТИ
