Предводен од двоецот Ончев – Озтурк, кои заедно искомбинираа повеќе од половината погодоци, вкупно 13, Охрид славеше над Бутел со 25:22.
Ракометарите на Охрид во текот на целиот натпревар беа подобри од гостите и на крајот успеаа да забележат значајна победа во битката за плеј-офот. Озтурк забележа 7 погодоци, додека Ончев реализираше еден помалку.
„Прво сакам да им честитам на моите соиграчи на храбрата игра, што 60 минути изигравме борбено и пожртвувано. Цела недела се спремавме за противникот, гледавме видеа, ги видовме грешките што ги направивме на првиот натпревар, на кој изгубивме несреќно. Се боревме машки до крај и покажавме дека можеме и дека заслужуваме да играме во Европа“, изјави Ончев.
Турскиот репрезентативец Озтурк е задоволен по триумфот над големиот ривал.
„Ова беше перфектна вечер за нас. Се функционираше како што се договоривме. Изигравме добар натпревар и многу сум среќен што со моите погодоци успеав да му помогнам на тимот да победи“, изјави Озтурк.
Со победата Охрид успеа да го помине Бутел на табелата и сега со скор од 5 победи и 3 порази се наоѓа на третото место. Во следното коло охриѓани гостуваат во Прилеп кај истоимениот тим.
Јевтиќ: Сами се победивме, ваков луксуз не смееме да си дозволуваме
ПОВРЗАНИ ВЕСТИ
