Ракометарите на Нант забележаа нова победа во 18. коло од првенството на Франција. Екипата каде што настапува Кире Лазаров триумфираше на гостувањето кај Истр со 28:32 и ја продолжи победничката серија.
Со овој триумф Нант зацврсти на втората позиција зад ПСЖ но тешко може да ја загрози водечката екипа. Кире Лазаров немаше своја вечер на овој натрпевар и не успеа да постигне погодок, а имаше четири промашувања.
Нант имаше целосна контрола на натпреварот и беше во водство со сите 60 минути. Уште по првиот дел имаа солидна предност од 13:18, а во вториот дел одиграа рутински за нови бодови во домашниот шампионат.
Предводници до победата на Нант беа Линус Персон со шест гола и Драган Пешмалбек со пет гола. Фантастичен уште една на голот беше Емил Нилсен кој имаше 16 успешни интервенции.
ПОВРЗАНИ ВЕСТИ
