Еурофарм Пелистер се враќа со пораз и од Словенија

Ракометарите на Еурофарм Пелистер се враќаат со пораз и од гостувањето во Словенија кај Тримо Требње каде што загубија со 24:28. На тој начин останаа на само еден поен и после четири средби сè уште немаат победа во Групата Д од Лигата на Европа.

Од првата минута во натпреварот тимот на Тримо Требње тргна со предност, а главно разликата беше два гола. Единственото водство тимот на Еурофарм Пелистер го имаше при 5:4 уште во отворањето на средбата, но брзо Тримо Требње успеа да се врати во водство и да го диктира темпото и во продолжение.

Двата гола предност беа најчесто присутни и траеја во текот на целото прво полувреме. Во еден момент Тримо дојде до највисоките четири гола, а поведе со 12:8. Тоа беше на четири минути пред заминување на одмор, но Еурофарм Пелистер брзо успеа да се врати.

Откако разликата падна на само еден гол, 12:11 одново домашните отидоа на плус два и со таква разлика и предност од 14:12 заминаа на одмор.

Вториот дел не донесе ништо ново. Сите обиди на Еурофарм Пелистер да дојде до приклучок и пресврт никако не даваа резултат. На моменти се дојде до негатива од гол. Најголемата шанса за нерешено и целосно вртење на мечот беше при 19:18 за Тримо Требње, но тогаш имаше грешка. Не се користеа шансите, па противникот редовно казнуваше.

На сето тоа во финишот од средбата се повреди и голманот Трајкоски во обид да дојде до спасување на голот додека втрчуваше бидејќи се менуваше. Притоа настрада неговото рамо откако се удри во рекламите. Тука почна и зголемувањето на водството на Тримо Требње кое се искачи на шест гола на пет минути до крај кога веќе не ни можеше да се направи нешто повеќе.

Еурофарм Пелистер до крај ја намали негативата и го ублажи поразот, но претрпе нов и на тој начин останува без триумф после четири одиграни средби.

Тримо ТребњеЕУРОФАРМ ПЕЛИСТЕР 1 декември 2020 28 - 24 Крај

Детали

Датум	Време	Лига	Сезона	Match Day	Крај
1 декември 2020	22:18	ЛИГА ЕВРОПА D	2020/2021	01.12.2020	60'

Резултати

Екипа	1-во полувреме	2-ро полувреме	Резултат
Тримо Требње	14	28	Победа
ЕУРОФАРМ ПЕЛИСТЕР	12	24	Пораз

Тримо Требње

#	Играч	Позиција	Исклучување	Голови
2	Леон Рашо	централен бек	0	2
4	Ловро Вишчек	централен бек	0	0
7	Давид Дидовиц	пивот	1	4
8	Жан Гројздек	лев бек	0	0
11	Анже Добовичник	десен бек	0	4
12	Александар Томиќ	голман	0	0
15	Дино Хамидовиќ	лев бек	0	2
17	Сарак Озгур	десен бек	0	5
18	Марко Котар	централен бек	0	1
19	Јан Камникар	десно крило	0	0
21	Грегор Поточник	лев бек	1	5
23	Урош Удовиц	лево крило	0	0
31	Урх Брана	голман	0	0
33	Лан Грбич	пивот	0	3
44	Гал Цирар	десно крило	0	1
77	Лука Флорјанчич	лево крило	0	11
	Вкупно		2	38

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	0
3	Гоце Ојлески	лево крило	0	0
4	Никола Маркоски	пивот	0	0
6	Бојан Маџовски	лево крило	1	3
9	Стипе Мандалиниќ	лев бек	0	5
10	Томислав Кушан	пивот	0	3
11	Невен Стјепановиќ	десен бек	0	0
13	Мирко Радовиќ	десен бек	1	3
14	Марио Танкоски	централен бек	0	2
16	Благојче Трајкоски	голман	0	0
18	Јосип Периќ	централен бек	1	2
19	Ненад Костески	десно крило	0	0
21	Градимир Чаневски	голман	0	0
23	Марин Вегар	лев бек	0	2
24	Милорад Кукоски	лев бек	0	0
30	Мартин Велковски	десен бек	0	4
	Вкупно		3	24

Бабиќ: За следниот натпревар мора да променам нешто

Велковски: Со ваква одбрана на гости не се победува