Генералниот директор на Руската ракометна федерација Лев Воронин во разговор за „Матч ТВ“ истакна дека неколку екипи од Иран покажале интерес за учество во регионалната СЕХА лига.
Како што е веќе познато, регионалното натпреварување во оваа сезона за првпат беше поделено на дивизија „Исток“ и дивизија „Запад“ поради конфликтот во Украина, но на крај и во двете дивизии се (ќе) одигра завршен турнир.
,,Има информации дека се преговара со ирански екипи за да се поканат во СЕХА лигата. На ниво на заеднички собири, ова е интересно за нас, како и за нашите колеги од Иран, кои самите предложија да учествуваат и да имаме заеднички кампови и собири”, изјави Воронин.
Во текот на утрешниот ден ќе се одигра финалето, како и натпреварот за трето место во дивизија „Исток“.
ПОВРЗАНИ ВЕСТИ
