Ракометарите на Текстилец во рамки од 9.коло од плеј-аут фазата во Првата лига успеаја да дојдат до триумф на гостувањето во Гевгелија кај Партизан, 33:37(17:23).
Во натпревар со многу голови и технички грешки, екипата на Текстилец започна да ја гради својата предност од првата половина од првиот дел и успешно ја одржуваше до самиот крај.
Домаќините беа во водство во воведниот дел и можеа да парираат само едно полувреме. Избраниците на Зоран Кајтазов во второто полувреме дозволија гостите од Штип да се одлепат на 20:26 и тука веќе беше јасно дека немаат никакви шанси за камбек.
Овој натпревар го одбележаа Васе Петров и Ѓорѓе Банцалиски, кои беа најефикасни во победничкиот, односно поразениот табор. Петров постигна 19 погодоци во мрежата на домаќините, додека Банцалиски со 16 погодоци, повторно беше најефикасен во редовите на Партизан.
ПОВРЗАНИ ВЕСТИ
