Вардар тоне на табелата во Лигата на шампионите, со пораз се враќа и од Загреб

Ракометарите на Вардар имаа плус три на осум минути до крај, а од Загреб се враќаат со пораз од 22:23 откако во финишот „црвено-црните“ не знаеја како да ја зачуваат предноста и со многу грешки го загубија натпреварот.

И Вардар и Загреб имаа свои моменти во текот на целата средба, но и падови, па оттаму сите 60 минути минаа во интересен тек и постојано беше неизвесно. И двете екипи успеваа да се истакнат и да дојдат до предност, таа позитива најчесто беше најмногу до два гола, а само во одредени ситуации стигаше до три.

Загреб до доби почетокот и имаше 5:2, но при 6:4 го загуби чекорот и тука вардарци имаа 4:0 и преземање на водството. Во завршницата на првото полувреме Загреб успеа одново да ја врати предноста и дојде до ново водство.

Домашните успеаја да издржат, па заминаа на одмор со 14:12. Имаа два гола кои ги загубија за само две минути игра во второто полувреме кога Дибиров и Валчак погодија за 14:14 и ја вратија неизвесноста.

Како што се одвиваа работите стануваше јасно дека Вардар ќе го преземе водството. не требаше да се чека многу бидејќи во 42. минута беше 17:16 за „црвено-црните“, кои минута подоцна имаа и 18:16.

Овие плус два ги чуваа постојано. Долго бараа можност за плус три. Имаа неколку напади, а потоа на осум минути до крај Ѓукиќ реализираше од контра за 21:18. Сето ова набрзина го снема бидејќи Тото доби исклучување и за три минути Загреб направи 3:0. Сепак, Валчак ги прекина минутите без гол за нова предност на Вардар, а до крај имаше нешто повеќе четири минути.

Лошата вест беше што Тото доби ново исклучување брзо откако се врати во игра. Силите беа израмнети откако беше исклучен и Хрстиќ набрзо после тоа, а Гаџа беше запрен од Славиќ. Откако Срна донесе нов пресврт, Моралес промаши и на минута и пол до крај резултатот беше и понатаму негатива. Загреб водеше 23:22. До крајот остана истиот резултат, па Загреб се радуваше на победа и скок на табелата на која Вардар сè повеќе доне после седмиот пораз.

ППД ЗАГРЕБВАРДАР 1961 8 декември 2021 23 - 22 Крај

Детали

Датум	Време	Лига	Сезона	Match Day	Крај
8 декември 2021	22:19	ЛИГА НА ШАМПИОНИ А	2021/2022	08.12.2021	60'

Резултати

Екипа	1-во полувреме	2-ро полувреме	Резултат
ППД ЗАГРЕБ	14	23	Победа
ВАРДАР 1961	12	22	Пораз

ППД ЗАГРЕБ

#	Играч	Позиција	Исклучување	Голови
2	Марин Шипиќ	пивот	0	0
4	Филип Вистороп	централен бек	0	3
6	Давор Чавар	лево крило	0	2
7	Давид Мандиќ	лево крило	1	4
9	Лука Ловре Кларица	десен бек	0	3
10	Јаков Гојун	лев бек	0	0
11	Звонимир Срна	лев бек	0	1
12	Дино Славиќ	голман	0	1
13	Един Клис	лев бек	0	0
22	Жељко Муса	пивот	1	1
24	Владо Матановиќ	десно крило	0	0
25	Матеј Мандиќ	голман	0	0
27	Иван Чупиќ	десно крило	0	5
44	Матеј Хрстиќ	лев бек	1	0
47	Сандро Обрановиќ	лев бек	0	3
71	Никола Граховац	пивот	0	0
	Вкупно		3	23

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	1
6	Оливие Њокас	лев бек	0	2
7	Патрик Валчак	пивот	0	2
8	Јоел Куни Моралес	десен бек	0	1
9	Гоце Георгиевски	десно крило	0	0
10	Кевин Њокас	десен бек	1	0
12	Мартин Томовски	голман	0	0
13	Дијало Бакари	лев бек	0	1
14	Јан Чувара	лево крило	0	0
22	Жереми Тото	пивот	3	4
24	Анте Гаџа	централен бек	0	2
28	Филип Талески	лев бек	0	1
31	Тимур Дибиров	лево крило	0	4
45	Дарко Ѓукиќ	десно крило	0	3
47	Анте Кудуз	лев бек	0	1
	Вкупно		4	22

Вујовиќ: Загубивме добиен натпревар

„Се плашам пред дуелот во Битола, поразот од Загреб може да има негативен ефект“

Кудуз: Грешевме во одлучувачки моменти, Загреб знаеше тоа да го казни

Обрван: Загреб и Вардар се најдобри во регионот, имавме среќа и се извадовме од калта