Тимот на Гевгелија Југ ја запиша третата победа во прволигашката конкуренција, откако славеше над Астибо со 34-25.

По првото полувреме домашните ракометарки водеа со 20-8, победникот беше решен, па вториот дел беше само формално одработување на задачата.

Сестрите Нина и Јасмина Попови одново беа најдобри стрелци во победничкиот состав со девет, односно осум погодоци.

Кај штипјанки, Анастасија Богоевска погоди осум пат, а Мелани Неделкова имаше седум реализации.

На табелата, Овче Поле СУ има осум бодови на лидерската позиција, додека Гевгелија Југ и Струга се на делба на второто место со по шест бода.

По 15 години минати низ некои од најголемите европски клубови, Кент Робин Тонесен се враќа дома. Норвешкиот репрезентативец од летото 2027 година повторно ќе го носи дресот на Фјелхамер, клубот во кој започна неговата ракометна приказна.

Трансферот сега е и официјално потврден. Тонесен потпиша двегодишен договор како играч, а истовремено ќе добие и постојано работно место во клубот како координатор за маркетинг и спорт.

„Сите што ме познаваат знаат колку многу ми значи Фјелхамер. Да се вратам и да му дадам нешто назад на клубот многу ми значи“, изјави Тонесен за ТВ2.

За 35-годишниот леворак бек ова ќе биде затворање на еден огромен европски круг. Од Норвешка замина во 2012 година, а потоа настапуваше за Савехоф, Вецлар, Фуксе Берлин, Веспрем, ПИК Сегед, ПСЖ и Флензбург. Со Веспрем и Сегед освојуваше титули во Унгарија, а со ПСЖ стана шампион на Франција во 2024 и 2025 година.

Иако заминува од врвниот европски ракомет, Тонесен потенцира дека враќањето во Фјелхамер не го гледа како мирно пензионирање.

„Не се враќам за да успорам. Сакам да придонесам на теренот и да бидам важен играч за тимот“, порача Норвежанецот.

Во Фјелхамер очекуваат неговото влијание да биде многу поголемо од она што ќе го покаже на натпреварите. Клубот сака да го користи огромното искуство што го стекна во најсилните европски првенства и во Лигата на шампионите, особено во работата со младите ракометари. Тренерот Кристијан Близнак, кој во минатото беше и соиграч на Тонесен во Вецлар, смета дека неговото присуство ќе биде исклучително значајно за развојот на клубот.

Враќањето дома доаѓа и по еден многу тежок период за искусниот бек. За време на летниот одмор во Хрватска, Тонесен доби херпес зостер во пределот на лицето и окото. Состојбата беше толку сериозна што во еден момент постоеше и страв за неговиот вид, а самиот подоцна откри дека првите три недели биле исклучително тешки.

Во меѓувреме се врати на тренинзите и повторно почна да игра, а за ТВ2 порача дека сега состојбата е добра. Сето тоа дополнително влијаело на одлуката да се врати во Норвешка со семејството.

Тонесен зад себе има и богата репрезентативна кариера. За Норвешка одигра 148 натпревари и постигна 360 голови, а со националниот тим освои сребрен медал на Светското првенство во 2017 година. Последниот голем турнир на кој настапи беше Светското првенство во 2025 година.

▶▶▶  Добивај директно РАКОМЕТНИ ВЕСТИ на твојот мобилен телефон
Приклучи се на VIBER – https://abit.ly/viber-24rakomet . Со еден клик до сите вести.

Борис Ројевиќ мирно можеше пред ТВ да го гледа мечот на Охрид на гостувањето во Автокоманда, иако тој не беше на клупата. Гладијаторите“ очекувано триумфираа, и тоа „двоцифрено“ против вториот тим од Автокоманда со 42-26

Поради вироза дома останаа тренерот Борис Ројевиќ, и Гоце Ојлески и Дарко Ѓукиќ. Поради повреда се уште во составот на Охриѓани не игра ниту Томислав Јагуриновски. Но, и со таков состав тие се многу посилни од повратникот во Супер лигата.

Со новите бодови Охрид се оддалечи од другите и останува дел од четворката на врвот, сега има 11 бода, два помалку од привремениот лидер Еурофарм Пелистер кој има 13, и Вардар кој има 12, но и меч помалку.

Гостите рано го презедоа резултатот, а клучна беше серијата од пет гола без одговор со која од 3-3 стигнаа до 8-3 во 11. минута. Тогаш се најави дека нема да има неизвесност на средбата.

Домашните го отворија мечот со водство од 2-1, но по израмнувањето на 3-3 Охрид ја зацврсти одбраната и брзо се одлепи. При 3-7 домашните не реализираа седмерец, а негативата потоа порасна на 3-8. Во 22. минута гостите водеа со 16-9, а во 27. минута и со 17-9. До паузата домашните постигнаа уште четири гола, но Охрид ја задржа предноста – 21-13 на полувреме.

И во продолжението охриѓани први ја зголемија разликата. Поведоа со 23-13, а во 34. минута првпат стигнаа до десет гола предност, 24-14. Домашните во овој период промашија контранапад и неколку изгледни шутеви, додека Дино Славиќ продолжи со одбраните. Во 38. минута сопре и седмерец на Горазд Дамчевски.

Во последните 10 минути од мечот гостите влегоа со предност од 35-20, и се беше решено, освен со колкава предност за Охрид ќе за врши средбата. Стигна Охрид по вторпат до највисоките „плус 16“, а потоа 2-3 пати не реализираше напади после кои домашните намалија на 38-25. На крај разликата пак беше „плус 16“, 42-26.

Доминик Мате со 8 гола, и Никола Лиапис со 6, и Давид Савревски и Никола Зечевиќ со 5 беа најефикасни кај госите, додека Дарјан Ѓокески, Христијан Гурмешевиќ и Стефан Ѓоргиевски со по 4 најпрецизни кај домапните.

Европската ракометна федерација ги делегираше официјалните лица за натпреварите од второто коло во ЕХФ Европскиот Куп.

Бутел Скопје ќе се соочи со хрватскиот тим Горица, кој има одличен старт на сезоната во Хрватска со шест победи на шест натпревари.

Првиот меч ќе се игра во Нова Горица на 17 октомври, а ќе го судат Словенците Жан Пукшиќ и Миха Сатлер, додека делегат е Тијана Мартиновиќ од Босна и Херцеговина.

Реванш средбата е на програмата на 24 октомври, а таму се делегирани Молдавците Виктор Сердиук и Доријан Сирбу, а делегат е Србинот Борис Вукашиновиќ.

Со ждрепка беа одредени паровите за третото коло во ЕХФ Европскиот Куп и третото квалификациско коло во Лигата на Европа.

Покрај единствениот македонски претставник во ЕХФ Европскиот Куп, екипата на Чаир, Македонија ќе има уште три претставнички – Ангела Јанкуловска, Теодора Дукоска и Сара Миновска.

Јанкуловска со Дунајска Стреда ќе се соочи со холандскиот Унирек, додека Дукоска и Миновска со Јувента Михаловце, за место во осминафиналето ќе се борат против израелскиот тим Бнеи Херцлија.

За разлика од ЕХФ Купот, во Лигата на Европа, Македонија нема свои претставници.

ЕХФ Куп, 3 коло:

Макаби Рамат Ган (Израел) – Вестфрисланд (Холандија)
Х71 (Фарски Острови) – Галичанка (Украина)
Квик (Холандија) – Хаџичи (Босна и Херцеговина)
Унирек (Холандија) – Дунајска Стреда (Словачка)
Нејстин (Фарски Острови) – Цуг (Швајцарија)
Хаукар (Исланд) – Левалеа (Црна Гора)
Анагениси (Грција) – Ајдовшчина (Словенија)
Рума (Србија) – Ацгерсдорф (Австрија)
Бриксен (Италија) – Мадеира (Португалија)
Бор (Србија) – Сент Труден (Белгија)
Јонијас (Грција) – Ховем Алмеида (Португалија)
ВИФ (Фарски Острови) – Шала (Словачка)
Бјала (Бугарија) – Јаликавакспор (Турција)
Гарлијава (Литванија) – Ериче (Италија)
Бнеи Херцлија (Израел) – Јувента Михаловце (Словачка)
Чаир (Македонија) – Кур (Азербејџан)

Натпреварите ќе се играат на 7/8 и 14/15 ноември, а победниците од двомечите ќе се пласираат во осминафиналето.

Лига на Европа, 3 квалификациско коло:

Заглебје (Полска) – Тертнес (Норвешка)
Сент Аман (Франција) – Ларвик (Норвешка)
Бенфика (Португалија) – Кинжварт (Чешка)
Наиса (Србија) – Виборг (Данска)
Рокаса (Шпанија) – Бера Бера (Шпанија)
Молде (Норвешка) – Дунареа (Романија)
Олденбург (Германија) – Малага (Шпанија)
Валчеа (Романија) – Лублин (Полска)
Шамбре (Франција) – Корона (Романија)
Локомотива (Хрватска) – Боден (Шведска)
Естергом (Унгарија) – Бањик (Чешка)
Бенсхајм (Германија) – Савехоф (Шведска)

Натпреварите ќе се играат на 7/8 и 14/15 ноември, а победниците од двомечите ќе се пласираат во групната фаза каде веќе чекаат уште четири екипи.