Екипата на Бутел Скопје му нанесе пораз на составот на Пролет во контролен натпревар со 31:26.
Двете екипи кои се ривали во Супер лигата имаа интересна средба која ќе им послужи на тренерите да видат до каде се со формата пред почетокот на новата сезона.
Првите 30 минути завршија со резултат 14:13, додека во продолжение Бутел Скопје ја зголемуваше предноста и дојде до пет позитива на крајот.
Тимот на Пролет се подготвува за дуелите од Лигата на Европа против Гранољерс на 3 и 4 септември во Шпанија, додека Бутел Скопје се загрева за новата сезона.
