Десното крило Владимир Темелков ја игра последната сезона во играчката кариера и на лето ќе замине во играчка пензија.
Темелков, кој кон крајот на месецов ќе наполни 44 години, ќе се посвети на тренерската кариера, а одамна работи како координатор на младинските екипи на Керженг од Луксембург.
Оваа сезона стана дел од стручниот штаб на првата екипа и кога не е на теренот му асистира на тренерот на Керженг, Разван Ценуса.
Велешанецот веќе 13 сезони е дел од Керженг, а во Македонија ги носеше дресовите на Борец и Пелистер до 2003 година пред да замине во Германија.
Осум сезони одигра во Фулинген, Вилштат Шутервалд, Балинген и Кронау, а потоа се пресели во Луксембург.
За националниот тим на Македонија играше на три големи натпреварувања – СП 2009, ЕП 2012 и СП 2013 година по што ја заврши репрезентативната кариера.
ПОВРЗАНИ ВЕСТИ
