Тимот на Татабања, каде што игра македонскиот интернационалец Филип Талески, запиша триумф во унгарскиот шампионат.
Татабања славеше на гостински терен кај Ѓер со 25-24 и сега има 34 бодови на табелата, зад второпласираниот ПИК Сегед кој има 37 бода, па сосема извесно наредната сезона се враќа во Лигата на Европа.
Филип Талески одигра триесетина минути на овој дуел, во најголем дел во одбраната, а постигна и еден погодок.
Следен предизвик за Татабања и Талески ќе биде настапот на завршниот турнир во Купот на Унгарија.
