Ракометарите на Охрид во рамки од 13. коло од Супер лигата за ривал го имаат тимот на Бутел Скопје.
На првиот меѓусебен сезонски натпревар, кој што беше одигран на 14 септември, избраниците на Стевче Алушовски триумфираа со 26:23.
Левиот бек на Охрид, Рудолф Звонимир Сафранко, за ривалот од Скопје имаше пофални зборови и се надева дека неговиот тим ќе биде подобар на натпреварот.
,,Бутел е една навистина незгодна, тешка екипа, имаат спој на младост и искуство, мислам дека сите играчи се многу добри, а ние ќе дадеме сѐ од себе за да ги освоиме двата бода и со победа да се вратиме во Охрид”, изјави Сафранко.
Натпреварот меѓу Бутел Скопје и Охрид ќе се одигра со почеток од 18:00 часот во спортската сала „Антон Димитров“.
