Германската ракометна федерација ги објави паричните премии ако женската репрезентација стигне до одличје на Мундијалот на домашен терне.
Избраничките на Маркус Гаугиш за освојување на златен медал ќе добијат рекордни 425.000 евра. За сребро ќе следува 300.000 евра, за бронза 200.000 евра, четвртото место носи 100.000 евра, а пласманот во четвртфиналето гарантира 50.000 евра премија.
Претседателот на федерација, Андреас Михелман, ја оцени одлуката како важен знак за поддршка на женскиот ракомет.
Германија ги совлада досега Исланд и Уругвај и се пласира во главната рунда на СП 2025, а во битката за првото место во групата домаќинките ќе се сретнат со Србија.
