Од 21 до 24 август во Прилеп ќе се одржи десеттото јубилејно издание на меѓународниот меморијален ракометен турнир „Миле Нешкоски“, во чест на прилепската ракометна легенда.
Организаторите денеска на прес-конференција ги претставија деталите за натпреварувањето, кое и оваа година ќе донесе богата програма и силна конкуренција.
Покрај домаќинот Прилеп, на турнирот ќе настапат уште пет екипи од Македонија и странство, меѓу кои и српската Црвена Звезда.
Од македонските екипи ќе настапат и Еурофарм Пелистер 2, Бутел Скопје, Пролет и Тиквеш.
Група 1: Прилеп, Бутел Скопје, Тиквеш
Група 2: Црвена Звезда, Пролет, Еурофарм Пелистер 2
Распоред на натпревари
21 август (четврток)
15:30 – Полагање цвеќе пред споменикот на Миле Нешкоски
18:00 – Пролет – Еурофарм Пелистер 2
20:00 – Прилеп – Бутел Скопје
22 август (петок)
18:00 – Црвена Звезда – Еурофарм Пелистер 2
20:00 – Прилеп – Тиквеш
23 август (сабота)
18:00 – Црвена Звезда – Пролет
20:00 – Тиквеш – Бутел Скопје
24 август (недела)
15:00 – натпревар за 5. место
17:00 – натпревар за 3. место
19:00 – финале
20:30 – доделување награди и свечено затворање
Новина оваа година е тоа што, во соработка со Министерството за спорт, организаторите обезбедија професионална подлога за одигрување на сите натпревари, што значително ќе ги подобри условите за игра.
