Женската младинска репрезентација на Македонија денеска ја очекува вториот натпревар на Европското првенство во Црна Гора.
Ривал на избраничките на Симе Симовски ќе биде селекцијата на Полска, која исто како и Македонија стартуваше со пораз.
Селекторот не направи промени во составот па надвор од комбинација ќе останат Сандра Трпеска и Ива Петрова.
Евентуална победа над Полска, ја остава Македонија во трка по главна рунда, додека пораз ќе значи разигрување за пласман.
Натпреварот меѓу Македонија и Полска се игра во 14:30 часот во „Бемакс Арена“, а судијки ќе бидат Рената и Бруна Кореа.
