Ракометниот клуб Охрид во соработка со Општина Охрид ова лето ќе го организира третото издание на меморијалниот турнир „Крсте Андоновски“ во чест на човекот што остави голема трага во македонскиот ракомет. Oхрид трета година по ред ќе биде центарот на ракометот кон крајот на август и ќе го собере балканскиот ракометен крем.
Првото издание на меморијалниот турнир „Крсте Андоновски“ се одржа во 2022 година со четири екипи, а трофејот го освои Тиквеш. Покрај Охрид и Тиквеш, настапија и Партизан и Пролет, кои го одиграа првиот натпревар на турнирот.
Српскиот состав славеше со 35-34 во драматичен натпревар, а стрелец на првиот гол на турнирот беше левиот бек Стефан Петриќ. Тој сега е ракометар на Вардар и одново ќе биде дел од турнирот, на неговото трето издание.
Покрај домаќинот Охрид и Вардар, од македонските екипи на турнирот ќе игра и Алкалоид. Останатите пет екипи се од странство, бидејќи охридското крајбрежје стана популарно за последните подготовки на екипите пред стартот на сезоната.
Доаѓа ланскиот финалист Олимпијакос, амбициозните српски тимови Партизан и Динамо Панчево, како и шампионот на Црна Гора – Ловќен. Словенечкиот Целје, европскиот шампион од 2004 година, исто така ќе биде меѓу учесниците на третото издание на меморијалниот турнир.
Меморијален турнир „Крсте Андоновски“, распоред на натпревари:
20 август
16:30 Алкалоид – Динамо Панчево
18:45 Ловќен – Олимпијакос
21:00 Охрид – Вардар
21 август
16:30 Динамо Панчево – Олимпијакос
18:45 Партизан – Вардар
21:00 Охрид – Целје
22 август
16:30 Партизан – Целје
18:45 Динамо Панчево – Ловќен
21:00 Алкалоид – Олимпијакос
23 август
16:30 Алкалоид – Ловќен
18:45 Охрид – Партизан
21:00 Вардар – Целје
24 август
10:30 меч за седмо место
12:30 меч за петто место
17:45 меч за трето место
20:00 финале
ПОВРЗАНИ ВЕСТИ
