Викендов со осум натпревари се комплетираше четвртото коло во Лигата на шампионите.
ФТЦ запиша втор победа оваа сезона со помош на Лора Глосе, која забележа 17 одбрани и ефективност од 44%, обезбедувајќи убедлив триумф против Крим, 12. триумф над словенечкиот клуб во клупската историја. Крим го продолжи негативниот старт со четврти пораз по ред, идентичен од сезоната 2015/16.
Клари Меро и Полин Коатеана постигнаа по 6 гола и го одведоа Брест до четврта победа по ред – само нивна втора победа над Оденсе во седум гостувања. Поразот од 40-31 беше само трет пат во историјата на Оденсе кога примиле 40 или повеќе голови во Лигата на шампионите. Елма Халилчевиќ го постигна 3.000 гол на Оденсе во ова натпреварување, а нивниот сегашен биланс изнесува 3.022 голови во седум сезони.
ЧСМ Букурешт останува непоразен на домашен терен оваа сезона по добрата партија во одбраната против Подравка, а Трине Естергард го предводеше нападот. Ова беше прв пораз за Подравка во сезоната.
По лошиот старт, Есбјерг ја забележа својата втората победа по ред, 32-29 на гостувањето кај Дебрецин, а Сторхамар се радуваше на триумф кај Борусија Дортмунд, 26-22. Икаст со силно второ полувреме ја победи Сола со 31-22 во скандинавското дерби. Ели Мари Раасок со 13 одбрани и 37% успешност беше клучна за победата на Сторхамар во Дортмунд. Табеа Шмид со осум гола го водеше Есбјерг до победата во Дебрецин.
Мец ја оствари најубедливата победа оваа сезона во ЛШ, со разлика од 20 голови, а Тира Акснер беше најдобар стрелец со 7 погодоци. Хатаду Сако блесна со 17 одбрани (49% успешност) и му помогна на Ѓер да дојде до доминантна победа против Глорија Бистрица.
Романскиот тим го доживеа најтешкиот пораз во својата историја во Лигата на шампионки (15 гола разлика) и постигна најмал број голови во еден натпревар – само 18. Дебитантот Сола сè уште е без освоен поен, откако доживеа четврти пораз по ред во натпреварувањето.
Лига на шампиони, 4 коло, резултати:
група А
Ѓер – Глорија Бистрица 33-18
Мец – Будуќност 38-18
Дебрецин – Есбјерг 29-32
Борусија Дортмунд – Сторхамар 22-26
група Б
Крим – ФТЦ 22-33
Оденсе – Брест Бретањ 31-40
Сола – Икаст 22-31
ЧСМ Букурешт – Подравка 34-24
