Магдебург обезбеди пласман во четвртфиналето на Лигата на шампионите, откако на двапати беше супериорен против Динамо Букурешт.
Магдебург на денешниот натпревар триумфираше со 35:29, а победата ја најави уште во првото полувреме, кое го доби со плус 11, 21:10.
Германскиот тим имаше предност од четири гола од првиот натпревар (30:26), а со денешниот триумф ја потврди својата доминација.
Динамо Букурешт го завршува својот настап во најквалитетното европско натпреварување за оваа сезона, додека Магдебург ќе се подготвува за следниот предизвик во четвртфиналето.
Најефикасен кај Магдебург беше Омар Игни Магнусон со осум погодоци, а шест имаше Феликс Клар. Кај романскиот шампион прво име беше Бранко Вујовиќ со шест погодоци.
Висла Плоцк со поразот од Нант од 29:24 ја заврши европската авантура за оваа сезона. Избраниците на Хавиер Сабате не успеаја да ја задржат предноста од првиот дуел, кој го добија со 28:25.
