Денеска и утре Радовиш и салата „25 Мај“ ќе бидат домаќини на завршниот турнир во Купот на Македонија.
Четирите екипи што обезбедија место на Ф4 ќе имаат шанса да се борат за важниот трофеј, а актуелен бранител на трофејот се „лавиците“ од Ѓорче Петров.
Ѓорчеоетровки се рекордерки по бројот на освоени трофеи во Куп натпреварувањето – славеле дури 17 пати досега.
На второто место е тимот на Вардар, кој има шест трофеи, додека трет е тимот на Металург, кој не е активен во моментов со пет освоени Куп трофеи.
Покрај овие три тима, уште Куманово се има радувано на одличја и тоа трипати досега – во 2019, 2021 и 2023 година.
Куп на Македонија, жени, Ф4:
полуфинале:
30 мај, 17:00 Ѓорче Петров – Вардар
30 мај, 19:30 Чаир – Металург Автокоманда
финале:
31 мај, 16:00
Ѓорче Петров го освои првиот куп трофеј во 1993, а веднаш потоа во 1994 и Вардар првпат славеше во ова натпреварување. Металург освои четири трофеи едноподруго во 2010, 2011, 2012, 2013 и потоа во 2022 година.
Очекувањата на сите предводници на екипите учесници на Ф4 – Анжела Платон, Симе Симовски, Јулијана Дамчевска и Басри Латифи, може да ги прочитате во продолжение…
КУП Ф4 2025 – Латифи: Ќе одлучуваат нијанси и спортската среќа
КУП Ф4 2025 – Симовски: Ако играме како што игравме цела сезона – нема да имаме проблеми
