Полскиот вицепрвак Келце е пред елиминација во осминафиналето на Лигата на шампионите, откако загуби дома од Фуксе Берлин со 33-27.
Тренерот на Келце, Талант Душебаев, нема илузии за прогрес во ТОП 8, но посакува барем победа во Берлин.
„Знаеме дека шест гола негатива кога одиш на гости е голема разлика. За да пласираме во четвртфиналето, мора да одиграме фантастичен натпревар и не смееме да примаме глупави голови по наши грешки. Шансите за прогрес ни се 1%. Ако пред мечот можеби беа 50%-50%, тогаш сега се 99%-1%. Ќе се обидеме да победиме, нема да кажам дека е невозоможна мисија да се победи со седум гола, но ќе биде тешко против лидерот во Бундес лигата“, вели Душебаев пред реваншот.
Реваншот меѓу Фуксе Берлин и Келце ќе се одигра вечерва во „Макс Шмелинг Арена“ во Берлин со почеток во 18:45 часот.
