Денеска во центарот на вниманието ќе биде мечот меѓу Охрид и Вардар од Супер машката лига.
Вардарци кои досега се без пораз во најелитната машка конкуренција во Македонија ќе бидат на тежок испит во СРЦ „Билјанини Извори“, каде ќе ги дочека мотивиран ривал кој сака уште еден скалп и полна сала.
На меѓусебните дуели од сезоната 2015/16 па досега, Охрид и Вардар имаат одиграно 25 натпревари во Супер лигата, и на сите триумфираа „црвено-црните“, па ова ќе биде уште еден мотив плус за „гладијаторите“.
Во Супер машката лига ќе се одиграат уште четири меча. Струга гостува кај Тиквеш во Кавадарци, додека Пролет гостува кај Радовиш. Кавадарчани и скопјани се фаворити, но тоа треба да го докажат на теренот.
Се очекуваат возбудувања на дуелите меѓу Еурофарм Пелистер 2 и Куманово, а интересно треба да е во Прилеп каде доаѓа Бутел Скопје.
Во прволигашката конкуренција, Вардар Неготино ќе биде на испит кај „витамините“ во Автокоманда, а Младост Богданци сака продолжување на победничката серија и против Аеродром.
На Мундијалот за дами ќе се играат осум натпревари, а возбудувања треба да донесе мечот меѓу Бразил и Чешка. Хрватките по стартниот пораз од Романија, ќе имаат уште потежок ривал – Данска.
Низ Европа свои настапи во домашните шампионати ќе имаат и македонските интернационалци Мартин Томовски, Мартин Карапалевски, Дарко Георгиевски, Дарко Димитриевски, Филип Арсеновски и Хари Павлов.
ДЕНЕСКА НА ТЕРЕНИТЕ:
15:30 МУЛТИ ЕСЕНС – ВАРДАР НЕГОТИНО (МАКЕДОНИЈА)
17:00 ТИКВЕШ – СТРУГА (МАКЕДОНИЈА)
17:30 РАДОВИШ – ПРОЛЕТ (МАКЕДОНИЈА)
18:00 ЕУРОФАРМ ПЕЛИСТЕР 2 – КУМАНОВО (МАКЕДОНИЈА)
18:30 ПРИЛЕП – БУТЕЛ СКОПЈЕ (МАКЕДОНИЈА)
19:00 МЛАДОСТ БОГДАНЦИ – АЕРОДРОМ (МАКЕДОНИЈА)
19:30 ОХРИД – ВАРДАР (МАКЕДОНИЈА)
18:00 АНГОЛА – ЈУЖНА КОРЕЈА (СП)
18:00 БРАЗИЛ – ЧЕШКА (СП)
18:00 РОМАНИЈА – ЈАПОНИЈА (СП)
18:00 ШВАЈЦАРИЈА – СЕНЕГАЛ (СП)
20:30 ХРВАТСКА – ДАНСКА (СП)
20:30 КУБА – ШВЕДСКА (СП)
20:30 ИРАН – УНГАРИЈА (СП)
20:30 КАЗАХСТАН – НОРВЕШКА (СП)
14:15 ВРИСИЛИЈА – ФЕРОНАС (ГРЦИЈА)
16:30 СИУДАД РЕАЛ – АЛИКАНТЕ (ШПАНИЈА)
18:00 ХАГЕН – БИТИГХАЈМ (ГЕРМАНИЈА)
19:30 БРЕГЕНЦ – ХОЛАБРУН (АВСТРИЈА)
20:30 БИДАСОА ИРУН – ВАЉАДОЛИД (ШПАНИЈА)


























