По Дино Славиќ, Доминик Мате, Никола Зечевиќ и Мартин Карапалевски, во Охрид доаѓа уште едно големо засилување.

Станува збор за левото крило Адама Кеита, кој беше дел седум сезони од францускиот шампион ПСЖ, а последните година и пол ги мина во грчкиот АЕК Атина.

Кеита има 28 години и е поранешен младински репрезентативец на Франција, со која освои бронза на младинското СП 2017.

Додека беше дел од ПСЖ во ерата на Раул Гонзалез, освои седум титули во француското првенство, како и два трофеја во Купот на Франција.

Охрид на левата крилна позиција оваа сезона ги има капитенот Гоце Ојлески и младиот домашен играч Никола Ристески.

____________________________________________________________________________________________________
  Добивај директно вести на твојот мобилен телефон, приклучи се на Viber групата на семејството на 24ракомет. Со еден клик до сите ракометни вести.
_____________________________________________________________________________________________________

Ракометарките на Астибо славеа убедлива победа над Куманово со 36-25 во натпреварот од 23 коло од Супер женската лига.

Со овој триумф штипјанки сега имаат 13 бодови на седмото место на табелата и практично го обезбедија опстанокот во елитната конкуренција за наредната сезона, додека Пелистер остана последен на шест бода.

Избраничките на Дејан Величков водеа на полувремето со 21-16, а во вториот дел комплетно го надиграа ривалот и на крајот остварија убедлив триумф.

Во следното коло Астибо ќе гостува кај Пелистер, додека Куманово ќе биде слободен, а неговата четврта позиција на табелата е загрозена од екипата на Спартак која игра во одлична форма.

Гледајте ВО ЖИВО, Охрид – Целје, ТУКА*

*само за територијата на Македонија

По екипата на Вардар, уште три македонски екипи упатија честитки кон ракометниот клуб Охрид за големиот успех на меѓународна сцена.

Шампионот Еурофарм Пелистер исто така им честитаа на „гладијаторите“, а на социјалните мрежи успехот на Охрид го поздравија Бутел Скопје и Куманово.

Охрид се пласираше во финалето на ЕХФ Европскиот Куп по триумфот над словенечкиот Целје по пеналите со 29-27.

На патот до трофејот во ова натпреварување, пред охриѓани стои унгарскиот тим Татабања каде што игра македонскиот интернационалец Филип Талески.

Денеска на македонските терени ќе се одиграат две средби од машката прволигашка конкуренција.

Во Богданци, тимот на Младост е голем фаворит во дуелот со Шампион и со нови бодови ќе остане во трка по место во елитната конкуренција.

Мечот се игра од 20:00 часот во салата „Млаз“.

Во Неготино, вардарци ќе го пречекаат составот на Партизан Гевгелија и се фаворити за бодови на оваа пресметка.

Мечот стартува од 20:00 часот во салата „Св. Кирил и Методиј“.

ДЕНЕСКА НА ТЕРЕНИТЕ:

20:00 МЛАДОСТ БОГДАНЦИ – ШАМПИОН (МАКЕДОНИЈА)
20:00 ВАРДАР НЕГОТИНО – ПАРТИЗАН ГЕВГЕЛИЈА (МАКЕДОНИЈА)