Двајца ракометари што беа понудени на водечките екипи во Македонија, Владислав Кулеш и Јуав Лумбросо, од лето ќе заиграат во српскиот првак Партизан.
Левиот бек Кулеш, кој во моментов е член на бундеслигашот Мелсунген, беше понуден на „црвено-црниот“ тим, но Вардар нема да го ангажира.
Средниот бек Лумбросо, беше во комбинација за засилување на шампионот Еурофарм Пелистер, но битолчани се решија за друга варијанта.
Партизан досега ги потврди трансферите на Илија Абутовиќ, Тобијас Вагнер и Милош Кос, како и на шпанскиот репрезентативец Мигел Санчез Мигаљон.
Новиот стратег Раул Гонзалес сигурно ќе донесе уште некое засилување, а српскиот првак веќе најави дека ќе бара вајлд-карта за Лигата на шампионите, иако допрва треба да ја освои титулата во нашиот северен сосед.
