Поранешниот репрезентативец на Хрватска, Ведран Зрниќ, за хрватскиот портал „Gol.hr“ даде свое видување за моменталната состојба во хрватската репрезентација и во која насока треба да се движат „коцкестите“.
Зрник, кој со Хрватска освои злато на Светското првенство (2003) и на Олимписките игри (2004), во негативен контекст го истакна Лука Циндриќ, додека пофални зборови имаше за голманите Доминик Кузмановиќ и Матеј Мандиќ.
„Би му се заблагодарил на Лука Циндриќ, доколку не игра на ниво, нека ги остави Карачиќ и Дувњак да ја водат Хрватска. Репрезентацијата би ја базирал на двајцата голмани Кузмановиќ и Мандиќ, за понатаму би го повикал Халил Јагањац, тука ѐ и Мартиновиќ, кој се повреди”, изјави Зрниќ.
Избраниците на Горан Перковац на Европското првенство во Германија завршија на 11. позиција. Во групната фаза остварија две победи и едно реми, додека во главната фаза загубија на три натпревари и триумфираа само против домаќинот.
Бидејќи Хрватска не успеа да ги исполни зацртаните цели на континенталниот собир, ќе мора преку квалификации да брка пласман за настап на Олимписките игри во Париз.
ПОВРЗАНИ ВЕСТИ
