Вардар го совлада Бутел со 38-30 во седмото коло од Супер машката лига. Со седмата победа од исто толку првенствени натпревари, „црвено-црните“ стигнаа до 14 бода и се искачија на првото место на табелата.

Средбата се играше денеска поради европските обврски на Бутел, а и Вардар исто така има меч од лигата на шампионите во среда против Нант во Франција.

Бутел го отвори резултатот, но тоа беше неговото единствено водство. По израмнувањето на 1-1, Вардар ја презеде контролата и во деветтата минута поведе со 8-3. Гостите намалија на 8-5, по што следуваше серија од три гола за 11-5. Домаќините ја одржуваа разликата, а на пауза заминаа со предност од 20-15.

Вардар силно го почна и второто полувреме. При резултат 21-16 постигна три гола во низа и побегна на 24-16, а во 34. минута имаше и 25-17. Бутел, сепак, најде начин да се врати во игра: во 40. минута намали на 26-22, најблиску што беше до ривалот во вториот дел.

Тоа беше важен период од натпреварот. Вардар не реализираше во следниот напад, но Бутел потоа загуби топка и не ја искористи наредната можност. Домаќините одговорија со два последователни гола за 28-22, по што повторно полесно ја контролираа предноста. Во 58. минута резултатот беше 34-29. Но, до крај Вардар направи серија од 4-1 со која стигна до конечен триумф од 38-30.

Во однос на стандардниот состав на Вардар сега ги немаше Јака Малус и Жоао Педро да Силва и Мохаб Абделхак играше против Охрид. Кај Бутел недостасуваа Дамјан Субашевски, Димитар Ѓоргиевски, Кристијан Стаменковиќ и Градимир Чаневски.

Матео Фадуил со 14 гола и Урош Митровиќ со 9 гола беа најпрецизни на средбата, а кај гостите Лука Јовиќ даде 7 гола.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Ракометарите на Илинден ја запишаа третата прволигашка победа, откако на домашен терен беа подобри од Сокол Саса со 48-24.

Избраниците на Дарко Јанев на полувремето ја обезбедија победата кога беше 21-9, а во вториот постигнаа уште повеќе погодоци.

Никола Павловски постигна девет гола за победничкиот состав, а дури седуммина ракометари дадоа по пет погодоци за Илинден.

Во составот на Сокол Саса, Павле Стоиловски, беше најдобар стрелец и 11 пати ја затресе мрежата на Илинден.

На табелата, Илинден е на деветтата позиција со шест бодови, додека Сокол Саса е на последното место без ниту еден бод.

Ракометарите на Радовиш прославија триумф над Текстилец со 30-25 во натпревар од 6 коло во прволигашката конкуренција.

Иако се очекуваше поголем отпор од штипјани, сепак домаќините лесно стигнаа до двата бода на оваа пресметка, а во преден план беше левиот бек Васе Петров, кој постигна девет гола против „своите“ штипјани.

Покрај него, во нападот на радовишани се истакнаа Иванче Ончев со осум и Филип Костадинов со пет погодоци.

Домашните поведоа со 12-5, Текстилец за момент се врати на минус еден, 12-11, но на паузата Радовиш замина со предност од три гола, 15-12.

Во второто полувреме радовишани диктираа темпо и имаа резултатска контрола, па гостите немаа шанси за камбек во натпреварот.

Најдобри стрелци во штипскиот состав беа Лазар Стојанов, кој се врати во тимот по еден меч суспензија и даде осум гола, како и Јован Величков, кој стрелаше четири пати.

Ракометарите на Овче Поле прославија триумф над Преспа со 28-24 во 6 коло од прволигашката конкуренција.

Гостите од Ресен парираа одлично дваесетина минути, кога домашните во Свети Николе водеа со 7-6, но потоа имаше огромен пад во играта на Преспа.

Овче Поле даде седум гола за седум минути за 14-6 и практично го реши прашањето на победникот на овој меч.

Гостите ја преполовија високата негатива во вториот дел, но немаа сили за комплетен камбек и бодовите останаа во Свети Николе.

Најдобри стрелци во победничкиот тим беа Филип Петровски со десет и Кристијан Стаменков со шест гола, а десет гола за Преспа постигна Благој Христовски.

Еурофарм Пелистер славеше на гостувањето кај Прилеп со 39-23 (20-14) во седмото коло од ракометната Суперлига. Домаќините имаа добар почеток и поведоа со 4-3, а потоа и со 6-5. По израмнувањето на 9-9, гостите првпат ја презедоа контролата и до полувремето изградија шест гола предност.

Важен период во првиот дел беше серијата со која Еурофарм Пелистер од 16-13 стигна до 20-13. Прилеп не реализира два седмерца во полувремето, а на паузата замина со негатива од 14-20.

На почетокот од продолжението домашниот тим намали на 17-23, но не успеа да го задржи приклучокот. При резултат 18-26 следуваа седум гола по ред за Пелистер, кој поведе со 33-18 и го реши прашањето на победникот. Битолчани во два наврата стигнаа и до највисоки 17 гола предност, пред последниот гол на Прилеп да го постави конечниот резултат. Второто полувреме гостите го добија со 19-9.

Филип Кузмановски беше најефикасен со девет гола, Садоу Нтанзи постигна пет, а Ненад Белистојаноски, Самоил Ристевски, Ник Хенингман и Петар Атанасијевиќ дадоа по четири. Кај Прилеп се истакна Димитар Димитриоски со пет погодоци.

Со новите два бода Пелистер има 13 и моментно се искачува на првото место, пред да се комплетира колото. Прилеп останува на осум бода и на петтото место. Во следното првенствено коло Пелистер ја пречекува Младост, а Прилеп игра дома со Вардар.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾