Екипите на Пролет и Прилеп повторно одиграа драматичен натпревар и повторно си поделија по бод во суперлигашката пресметка, откако во спортската сала „Македонско Сонце“ натпреварот од 12. коло заврши без победник, 23:23. Иако Прилеп во вториот дел имаше 18:13, дозволи домаќинот да се врати во игра, но и да поведе.

Според очекуваното, двете екипи покажаа голема борба, по нерешените 4:4, гостите од Прилеп врзаа два гола во низа и беа првите кои се одлепија на ,,плус два”, 6:4, а кон средината на првиот дел, со голот на левото крило Трајкоски, дојдоа до три позитива, 8:5.

Од тој момент Прилеп постојано беше во предност, домаќинот секогаш се доближуваше, но моментите со играч повеќе не ги искористуваше во целост. Прилеп при предност од 13:10 имаше напад за четири разлика, а домаќините со цврстата одбрана не дозволија гостинот да дојде до поголема позитива.

По 30 минути игра резултатот беше 14:12 во корист за гостинскиот табор. Избраниците на Мојсов одлично го започнаа вториот дел, дојдоа до 18:13 и во следниот период дозволија домаќинот да се врати во игра. Пролет се консолидира за две-три миути и намали на 18:17 во 40 минута.

Ракометарите на Јовиќ во два наврати имаа шанса да израмнат, но Прилеп во 48 минута дојде до 20:18. Минута подоцна домаќините врзаа два гола во низа и со голот на Шилегов дојдоа до 20:20. Во последните десет минути секој напад беше важен, домаќините во 53 минута ја презедоа контролата, најпрво поведоа со 21:20, потоа имаап лус два, 22:20, а кога требаше да ја осигураат посакуваната победа, не се снајдоа најдобро во нападот.

Пролет во последната минута влезе со 23:22, имаа напад за победа, не реализираа, па така на десетина секунди пред крајот левиот бек Цветаноски стави точка на големата драма.

Одлична партија во Пролет имаше младинскиот репрезентативец Томислав Димковски со шест гола, исто толку имаше и Мохамед Бакар. Кај Прилеп, исто така два ракометари се истакнаа со по шест гола – Никола Цветаноски и Пеце Рајатоски.

Сега со освоениот бод Пролет се изрмани со Тиквеш, двете екипи се на делба на 6. позиција со 11 бода, следува Прилеп, кој со 10 бода се наоѓа на 8. позиција на табелата.

Претстојниот викенд ќе има богата програма во сите младински конкуренции, а најбројни се натпреварите кај кадетите.

Во машката младинска лига веќе се одигра еден меч, а Бутел Скопје успеа да одигра реми на гостувањето во Автокоманда и натаму е непоразен на првото место.

Kај младинките исто така се одигра еден меч, екипата на Вардар славеше на гостински терен кај Илинден Вардар и остана на лидерската позиција со четири победи на четири меча.

Во машката пионерска лига, ќе има двобој на првиот и вториот тим на Еурофарм Пелистер, кој се очекува да биде меѓу поинтересните средби овој викенд.

Младинци, 5 коло:

група А
Алкалоид – Бутел Скопје 23-23
24/11, 15:00, Скопје – Партизан Гевгелија
27/11, 20:00, Астраион – Металург РА
Еурофарм Пелистер слоб.

група Б
24/11, 18:30, Еурофарм Пелистер 2 – Мулти Есенс
25/11, 19:00, Тиквеш – Куманово
26/11, 20:00, Преспа Вардар – Прилеп
26/11, 20:00, Пролет – Вардар

Младинки, 6 коло: 

Илинден Вардар – Вардар 23-29
23/11, 14:30, Металург Автокоманда – Ѓорче Петров 2

Kaдети, 6 коло:

група А
23/11, 14:00, Овче Поле – Вардар
24/11, 13:00, Младост Богданци – Бисинов ФЛ
24/11, 16:00, Еурофарм Пелистер – Текстилец
24/11, 17:00, Вардар Неготино – Алкалоид
24/11, 18:00, Македонија ЃП – Куманово

група Б
23/11, 11:00, Мулти Есенс – Илинден Вардар
23/11, 12:30, Охрид – Еурофарм Пелистер 2
23/11, 13:30, Скопје – Прилеп
24/11, 12:30, Струга – Пролет
24/11, 17:00, Тиквеш – Младост Ресен

Кадетки, 5 коло:

група А
Куманово – Делчево Вардар одл.
Металург – Вардар одл.
Овче Поле СУ слоб.

група Б
23/11, 12:30, Пелистер – Деспина
23/11, 13:30, Стружанка – Младост Ресен
23/11, 17:00, Чаир – Јехона

Пионери, 6 коло:

група А
23/11, 11:00, Преспа Вардар – Струга
24/11, 14:00, Динг – Охрид

група Б
23/11, 11:00, Еурофарм Пелистер – Еурофарм Пелистер 2
27/11, 21:00, Бисинов ФЛ – Тиквеш
Прилеп слоб.

група В
24/11, 12:30, Алкалоид – Пролет
25/11, 20:00, Куманово – Бутел Скопје
Вардар слоб.

група Г
23/11, 13:00, Мулти Есенс – Радовиш
Аеродром слоб.
Македонија ЃП слоб.

Пионерки, 6 коло:

група А
24/11, 14:00, Шампион – Ѓорче Петров
24/11, 17:00, Чаир – Струга
Јехона слоб.

група Б
23/11, 12:00, Спартак – Вардар
24/11, 16:30, Металург – Астибо
Младост Богданци слоб.

Европската ракометна федерација ги објави официјалните лица за натпреварите од шестото коло во Лигата на Европа.

Исмаил Металари и Ненад Николовски добија ново делегирање од ЕХФ и ќе патуваат во Шпанија.

Тие ќе го судат натпреварот меѓу Бидасоа Ирун и шведскиот Иштад, кој ќе реши за првото место во групата, откако двете екипи обезбедија место во главната рунда.

Овој дуел е закажан за 26 ноември во 20:45 часот, а во вториот натпревар од оваа група ќе се сретнат романската Констанца и полскиот Хробри Глогов.

На овој меч што ќе се игра на 26 ноември од 18:45 часот, делегат ќе биде Македонецот Марјан Начевски.

Ракометарите на европскиот првак Барселона ја продолжија серијата без пораз и по осум кола во Лигата на шампионите.

Пред триумфот над францускиот Нант со 36-30, повеќето ракометари пристигнаа во „Блауграна“ скоцкани од „глава до пети“.

Најголемо внимание привлече стајлингот на еден од најдобрите светски голмани, Данецот Емил Нилсен.

Тој во стило на некои од НБА кошаркарите или на најдобрите фудбалери, се појави во салата како на модна писта.

Барса во осумте одиграни кола досега во Лигата на шампионите ги победи сите седум ривали, а само еднаш одигра реми на гости во Нант.

Овој викенд со натпреварот меѓу Охрид и Радовиш ќе биде отворено новото, 12. коло во суперлигашкото друштво. На денешната програма ќе има пет дуели, а дербито на колото ќе биде в недела во СЦ „Јане Сандански“.

Токму со дерби дуелот меѓу Вардар и досега непоразениот тим од Автокоманда ќе биде затворено 12. коло. Денеска интересно се очекува да биде на три натпревари – Бисинов – Струга, Пролет – Прилеп и Еурофарм Пелистер – Тиквеш.

Велешкиот тим, кој оваа сезона е дебитант во Супер лигата, на првото соочување со Струга се покажа како подобар ривал и во драматичен натпревар триумфираше со 31:30.

Пролет пред својата публика ќе биде домаќин на Прилеп. Двете екипи се борат да дојдат до едно од местата кои што водат во плеј-оф фазата, моментално, и двете се надвор од ТОП 6. Првиот натпревар меѓу двете екипи заврши без победник, 30:30.

Избраниците на Александар Јовиќ со евентуална победа би направиле сериозен чекор кон посакуваната цел, истото важи и за прилепчани, кои во претходното коло беа убедливо поразени од актуелниот шампион Еурофарм Пелистер.

Битолчани на свој терен ќе играат против незгодниот Тиквеш, тим кој во првиот натпревар со пелистерци даде силен отпор, но загуби со четири гола разлика, 31:27.

Бутел во Куманово кај истоимената екипа ќе бара рехабилитација и враќање на победничките патеки, односно ќе атакува на седми сезонски триумф и зголемување на бодовното салдо.

Свој настап денес ќе има женската сениорска репрезентација на Македонија, која на „Кроација Куп“ ќе го има последниот тест пред Европското првенство 2024.

Избраничките на Кристијан Грчевски по вчерашниот убедлив пораз од Хрватска, денеска силите ќе ги одмерат со репрезентацијата на Србија и ќе видат во каква форма се пред големиот предизвик.

ДЕНЕСКА НА ТЕРЕНИТЕ:

15:00 ОХРИД – РАДОВИШ (СУПЕР ЛИГА)
16:00 МАКЕДОНИЈА – СРБИЈА (ПРИЈАТЕЛСКИ)
17:00 ОВЧЕ ПОЛЕ – АЕРОДРОМ (ПРВА ЛИГА)
17:00 ЕУРОФАРМ ПЕЛИСТЕР – ТИКВЕШ (СУПЕР ЛИГА)
18:00 ТЕКСТИЛЕЦ – ВАРДАР НЕГОТИНО (ПРВА ЛИГА)
18:00 КУМАНОВО – БУТЕЛ СКОПЈЕ (СУПЕР ЛИГА)
18:00 БИСИНОВ – СТРУГА (СУПЕР ЛИГА)
18:30 МЛАДОСТ – МАКЕДОНИЈА ЃП (ПРВА ЛИГА)
18:30 ПРОЛЕТ – ПРИЛЕП (СУПЕР ЛИГА)
19:30 ПАРТИЗАН – ШАМПИОН (ПРВА ЛИГА)