Европската ракометна федерација ги одреди официјалните лица за натпреварите од третото коло во Европскиот Куп.

Единствениот претставник од Македонија кој остана во натпреварувањето, екипата на Чаир, двата меча со португалскиот Колехио Де Гаиа ќе игра на домашен терен.

Судии на овој двомеч ќе бидат Eрдоан Витаку и Арсим Витаку, додека делегатка ќе биде Ана Мелкојан од Ерменија.

Првиот натпревар меѓу Чаир и Колехио Де Гаиа се игра на 16 ноември со почеток во 16:00 часот, додека реваншот е во Автокоманда следниот ден во истото време.

Амбициозниот тим на Партизан доби големо засилување во своите редови, откако во клубот од Белград пристигна Стеван Вујовиќ, екс ракометар на Вардар и Металург.

Левиот бек со богато интернаицонално искуство и раководството на Партизан се договорија на соработка најмалку до 2026 година.

Пред извесен период, во Партизан пристигна Петар Ѓорѓиќ, па така „црно-белите“ сериозно влегуваат во трката за домашната титула.

Црногорскиот репрезентативец во последните три сезони настапуваше во Романија, беше член на Баја Маре, клуб во кој се задржа најдолго.

Во својата кариера, искусниот лев бек смени повеќе екипи, во Вардар играше во два наврати, од 2007 до 2009, и потоа во сезоната 2011/12, а во Металург настапуваше во 2016 година.

Беше дел и од Црвена Ѕвезда, Вецлар, Селеста, Антекера, Ловќен, Цирих, Балмазујварош, Мотор Запорожје, Ал Рајан…

ТРАНСФЕР БОМБА – Петар Ѓорѓиќ ја замени Војводина со Партизан!

Женската репрезентација на Црна Гора на Европското првенство ќе патува со најсилниот состав што во моментов го има на располагање селекторката Сузана Лазовиќ.

Таа повика 18 ракометарки за настап на ЕП 2024, а меѓу нив е повратничката Милена Раичевиќ, која не играше додека селекторка беше Бојана Поповиќ по кавгата со Будуќност.

По повредите камбек ќе имаат Марта Батиновиќ и Ѓурѓина Јауковиќ, а повратници се Ѓурѓина Маловиќ, Катарина Џаферовиќ, Ивана Годеч и Јелена Вукчевиќ, додека деби на големите натпреварување ќе има пивотот Андријана Татар.

Црна Гора ќе тестира со Словенија пред стартот на ЕП 2024, а таму во групната фаза за ривали ќе ги има Романија, Чешка и Србија.

Денеска со натпреварот меѓу Еурофарм Пелистер и Прилеп ќе започне новото, 11. коло во суперлигашката конкуренција, а дербито на колото ќе биде в сабота кога амбициозниот Охрид ќе го пречека тимот на Кире Лазаров.

За Еурофарм Пелистер денешниот натпревар против Прилеп ќе биде убава можност да се види во каква форма се ракометарите по ЕХФ неделата, но и проверка пред мечот со Фредериција на 20 ноември.

Пелистерци се големи фаворити против избраниците на Божидар Мојсов и се очекува без многу проблеми да дојдат до посакуваните два бода. Натпреварот меѓу актуелниот шампион и Прилеп ќе се одигра со почеток од 18:00 часот.

Со натпреварот меѓу ланскиот суперлигаш од Автокоманда и Астраион ќе започне 9. коло во Првата лига. Најголемиот број од натпреварите од ова коло ќе се одиграат в сабота.

Освен во Македонија, денеска ќе се игра во Португалија, Србија, Хрватска, Словенија, Франција, Унгарија…а ќе има и две средби од третото коло во Европскиот Куп кај дамите.

ДЕНЕСКА НА ТЕРЕНИТЕ:
18:00 ЕУРОФАРМ ПЕЛИСТЕР – ПРИЛЕП (МАКЕДОНИЈА)
18:00 ТАТАБАЊА – ЕГЕР (УНГАРИЈА)
18:00 БЕНФИКА – МАДЕИРА (ПОРТУГАЛИЈА)
18:00 ВОЈВОДИНА – ПАНЧЕВО (СРБИЈА)
18:00 САЛЕРНО – ПРАГА (ЕВРОПСКИ КУП)
18:30 ОСИЈЕК – СЕСВЕТЕ (ХРВАТСКА)
18:30 СЛОВАН – ГОРИЦА (СЛОВЕНИЈА)
19:00 ТРИМО – КОПЕР (СЛОВЕНИЈА)
20:00 КРШКО – ЦЕЛЈЕ (СЛОВЕНИЈА)
20:00 ШАРТ – НИМ (ФРАНЦИЈА)
20:00 ИСТРЕС – ТУЛУЗ (ФРАНЦИЈА)
20:00  ЛИМОЖ – КРЕТЕЈ (ФРАНЦИЈА)
20:00 МОНПЕЛЈЕ – СЕЗОН (ФРАНЦИЈА)
20:00 Х71 – ПАОК (ГРЦИЈА)
20:00 МУЛТИ ЕСЕНС – АСТРАИОН (МАКЕДОНИЈА)
20:30 ИВРИ – НАНТ (ФРАНЦИЈА)

Откако Раул Алонсо го замени Бранко Ангеловски на клупата на македонскиот шампион Еурофарм Пелистер, се зголеми доминацијата на шпанските стратези во Лигата на шампионите.

Сега дури седум екипи, односно скоро половина од 16 екипи во елитната конкуренција на клупата имаат шпански стратези.

Покрај Раул Алонсо во Еурофарм Пелистер, тука се Талант Душебаев (Келце), Хавиер Сабате (Полска), Давид Дејвис (Динамо Букурешт), Чави Пасквал (Веспрем), Антонио Ортега (Барселона) и Раул Гонзалес (ПСЖ).

Шпанските тренери освоија дури 12 од последните 20 изданија на Лигата на шампионите, па јасно е зошто се уште се „во мода“.

Во најелитното европско клупско натпреваруање има и четворица скандинавски тренери, но сите од различни земји – Микаел Апелгрен од Шведска (ПИК Сегед), Кристијан Берге од Норвешка (Колстад), Симон Дал од Данска (Алборг) и Гудмундур Гудмундсон од Исланд (Фредериција), има и двајца Германци – Бенет Вигерт (Магдебург) и Јарон Сиферт (Фуксе Берлин), додека сите други земји имаат по еден претставник.

Србинот Велимир Петковиќ е на клупата на Загреб, Португалецот Рикардо Кошта го води Спортинг Лисабон, додека Французинот Грегори Кожан е предводник на Нант.