Тимот на Ескилстуна Гуиф е шведски клуб со база во гратчето Ескилстуна, кој се натпреварува во елитната дивизија на скандинавската држава. Клубот е формиран уште во 1896 година, а во клупската историја четири пати има играно во финалето на плеј-офот на шведскиот шампионат. Во 1997, 2001, 2009 и 2011 година, Ескилстуна Гуиф имаше шанси да освои титула, но не успеа ниту еднаш. На два пати заврши на првото место во регуларниот дел од сезоните 2011/12 и 2013/14, но тогаш загуби на два пати уште во полуфиналето на плеј-офот. Имаат одиграно 54 сезони во најквалитетната шведска дивизија и се наоѓаат на четвртото место на вечната листа на клубови со најмногу сезони во елитата. Актуелен тренер на Ескилстуна Гуиф е поранешниот селектор Зоран Рогановиќ, кој го презема клубот во 2019 година. Минатата сезона Гуиф беше седми на табелата во регуларниот дел и беше елиминиран во четвртфиналето на плеј-офот од Савехоф. Во европските купови, Ескилстуна Гиуф има настапувано во некогашните Челинџ Куп и Купот на победниците на Куповите, како и ЕХФ Купот.