Тимот на Еурофарм Пелистер 2 ги стартуваше подготовките за пролетниот дел од сезоната, во кој ќе играат во плеј-офот и во Купот на Македонија.
Тренерот Александар Јовиќ го сподели задоволството од работата во клубот и од добрите резултати на екипата.
„Управата на Еурофарм Пелистер 2 правилно размислува и има добра стратегија и визија, а резултатите тоа го покажуваат. Ние трета сезона ќе играме во плеј-оф и мислам дека со нашите добри игри тоа го заслуживме. Напоредно создаваме играчи за првата екипа и остваруваме резултати. Подготовките ќе ги спроведеме комплетно во Битола. Ќе одиграме неколку меѓусебни натпревари со Еурофарм Пелистер, а може да играме и еден меѓународен натпревар. Особено ми е мило што како најмлада екипа во првенството, се пласиравме во плеј-оф и пренесовме еден бод. Ќе бидеме најмлади и во плеј-офот и ќе си поставиме цели. Ќе играме растеретено, но со цел ниедна екипа не смее да биде поборбена од нас. Треба да играме квалитетна и агресивна одбрана, преку која ќе постигнуваме лесни голови во напад“, вели Јовиќ.
Од тимот имаше само едно заминување, на левиот бек Дејан Кукуловски, кој се пресели во чешкиот Брно.
ПОВРЗАНИ ВЕСТИ
