Ракометарките на Ѓорче Петров ја забележаа третата победа оваа сезона во Женската лига, откако славеа на гостувањето кај Шампион со 23-25.
Во првиот дел ѓорчепетровски имаа предност од три погодоци, 3-6, но упорните домаќинки се вратија до егал на полувремето, 11-11.
На стартот на вториот дел се играше гол за гол, но потоа избраничките на Ангел Велков полека ја градеа предноста. Во финишот стигнаа до плус четири и рутински ја задржаа разликата до крајот.
Најдобри стрелци кај Ѓорче Петров беа Ангела Цветановска со девет и Ања Велкова со пет, додека кај Шампион се истакна Нина Неделковска со шест гола.
