Херојски кам-бек на битолчани: Освоија бод во Швајцарија

Ракометарите на Еурофарм Пелистер освоија голем бод на гостувањето во Швајцарија откако со гол во последната секунда, Јосип Периќ ги постави конечните 28:28 откако во еден период негативата беше и осум гола.

Од почетокот натпреварот во многу наликуваше на играта прикажана против Ним минатиот вторник. Високи 0:5 за осум минути игра и прв гол дури во 9. минута кога веќе негативата беше превисока и мораше постојано да се брка негатива.

Иако се влезе во подобар дел од средбата, сепак, во 20. минута негативата беше највисока. Кадетен стигна до осум гола разлика и резултат од 12:4 што значеше дека мора да се зголеми темпото на играта и да се направи обид да се дојде до подобар резултат.

Она што беше пропуштено во првите 20 минути малку се надомести во продолжение од натпреварот. Грешките беа намалени, па беше одиграно подобро. Имаше мал приклучок, но на одмор се замина со резултат, 11:16.

На почетокот на второто полувреме негативата одново се искачи до осум гола. Резултатот од 12:20 во 37. минута беше најава за нов пораз, но тука како да следуваше будење на ракометарите на тимот од Битола. Со серија од 4:0 за пет минути се дојде до 16:20 и се влезе одново во натпреварот.

Имаше време за да се фати целосен приклучок и да се направи обид да се дојде до шанса за добар резултат во финишот. На ова се надоврза и Кизиќ со некоја интервенција во моменти кога беше најпотребно. Во 49. минута се дојде до 20:22, а имаше напад и за еден гол негатива што не беше искористен.

Сепак, се влезе во интересна завршница. Негативата постојано беше два или три гола.

На две минути до крајот Хербургер беше исклучен, а тоа се случи при резултат 26:28. Тука Велковски искористи шанса и дојде до погодок за 27:28 и шанса за возбудлива завршница односно максимално интересни 100 секунди.

Во моменти кога нападот на Кадетен беше пред крај и топката требаше да им биде одземана, Танкоски не се одалечи доволно од играчите на противникот за да биде изведен ударот од девет метри, па го исклучија и Швајцарците добија нов напад. Сепак, после тајм-аутот во игра влезе играч повеќе и добија уште еден играч помалку и им беше одземана топката, па Еурофарм Пелистер доби шанса за напад за реми.

Јосип Периќ ја имаше улогата на спасител и после еден ваков дуел во кој Еурофарм Пелистер имаше осум негатива донесе голем бод, кој е рамен на победа за тимот од Битола. Конечните 28:28 се дефинитивно одлични бидејќи целиот натпревар беше одигран со постојана висока негатива.

КАДЕТЕН ШАФХАУЗЕНЕУРОФАРМ ПЕЛИСТЕР 26 октомври 2021 28 - 28 Крај

Детали

Датум	Време	Лига	Сезона	Match Day	Крај
26 октомври 2021	20:25	ЛИГА ЕВРОПА D	2021/2022	26.10.2021	60'

Резултати

Екипа	1-во полувреме	2-ро полувреме	Резултат
КАДЕТЕН ШАФХАУЗЕН	16	28	Реми
ЕУРОФАРМ ПЕЛИСТЕР	11	28	Реми

КАДЕТЕН ШАФХАУЗЕН

#	Играч	Позиција	Исклучување	Голови
1	Кристијан Пилиповиќ	голман	0	0
2	Николас Валдфогел	лев бек	0	0
4	Самуел Зендер	лево крило	0	8
5	Торбен Мацкен	централен бек	0	3
6	Димитриј Кител	десен бек	0	1
8	Ерик Шмит	пивот	1	0
9	Јонас Шопер	пивот	0	3
11	Епрахим Јери	лев бек	0	1
12	Игнасио Биска Гарсија	голман	0	0
14	Филип Новак	пивот	0	0
15	Марвин Лир	лево крило	0	1
18	Максимилијан Гербл	десно крило	0	0
19	Зоран Марковиќ	лев бек	1	0
20	Лука Марош	лев бек	0	7
24	Ник Томинец	десно крило	0	0
26	Лукас Хербургер	лево крило	1	4
	Вкупно		3	28

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	1	2
3	Гоце Ојлески	лево крило	0	0
4	Никола Маркоски	пивот	0	4
6	Бојан Маџовски	лево крило	0	1
9	Стипе Мандалиниќ	лев бек	1	4
12	Мартон Секељ	голман	0	0
13	Мирко Радовиќ	десен бек	0	0
14	Марио Танкоски	централен бек	1	1
18	Јосип Периќ	централен бек	0	6
19	Ненад Костески	десно крило	0	0
30	Мартин Велковски	десен бек	0	1
32	Јосип Божиќ Павлетиќ	десно крило	0	3
59	Елмир Граџан	пивот	0	4
74	Немања Обрадовиќ	централен бек	2	2
98	Марко Кизиќ	голман	0	0
24	Милорад Кукоски	лев бек	2	0
	Вкупно		7	28

ЛИГА НА ЕВРОПА – ГРУПА Д

ТАБЕЛА