Фудбалската одбрана на Митревски во ТОП 10 на сезоната во ЛШ (ВИДЕО)

Македонскиот репрезентативен голман Никола Митревски дефинитивно имаше сезона за паметење. Освен двојната круна со Порто во португалскиот шампионат и Куп, битолчанецот имаше импресивни бројки и во Лигата на шампионите. Малку фалеше Порто да се избори за место во четвртфиналето на елитното натпреварување, а Митревски беше меѓу носителите на играта. Медиа тимот на ЕХФ ги одбра најдобрите десет одбрани на сезоната во ЛШ, а без Митревски не можеше да помине таквиот избор. Фудбалската парада на мечот против ПИК Сегед се најде на шестото место. Покрај Митревски, во изборот на ЕХФ се најдоа и одбраните на Нилсен, Пешиќ, Миклер, Гонзало, Ландин, Буриќ, Жерар, Вулф и Гаде.