Европската ракометна федерација ги објави пошироките списоци од по 35 ракометари на сите репрезентации што ќе учествуваат на претстојното Европско првенство во Унгарија и Словачка.
Од македонските Суперлига и Прва лига, на списоците на седуммина селектори (Лазаров – Македонија, Рогановиќ – Црна Гора, Гулјаш – Унгарија, Обрван – Босна и Херцеговина, Ромбел – Полска, Херона – Србија, Хорват – Хрватска) се најдоа 37 ракометари, од кои (според наша проценка) околу триесетина ќе се најдат на скратените списоци и ќе бидат дел од континенталниот собир.
Логично, најмногу играчи од македонските лиги, има во македонската репрезентација – вкупно 25. По тројца играчи од Суперлигата има во селекциите на Црна Гора и Хрватска, по двајца во Полска и Босна и Херцеговина, а по еден во Унгарија и Србија.
Од клубовите, најмногу репрезентативци во овие седум селекции дава Еурофарм Пелистер, 12, со вториот тим заедно се 14. Бројката сигурно ќе беше поголема бидејќи Лазаров ги планираше браќата Атанасијевиќ и Ѓорговски. По овој податок, јасно е дека битолските клубови се движат во вистинска насока и допрва треба да се очекуваат плодовите од одличната работа.
Вардар има десет репрезентативци, а интересно – трет на листата е новиот прволигаш Алкалоид. Четири клуба даваат по двајца репрезентативци – Охрид, Еурофарм Пелистер 2, Металург и Бутел Скопје, а по еден Струга, Тиквеш и Пролет.
Број на играчи по репрезентации од Супер (Прва) лига на поширок список пред ЕП:
Македонија – 25
Пролет – 1 (Аларов)
Вардар – 6 (Талески, Стоилов, Томовски, Георгиевски, Атанасовски, Мишевски)
Бутел Скопје – 2 (Чаневски, Митев)
Алкалоид – 4 (Стојковиќ, Ѓорѓиев, Симоноски, Серафимов)
Еурофарм Пелистер – 6 (Маџовски, Ојлески, Маркоски, Костески, Кизиќ, Велковски)
Еурофарм Пелистер 2 – (Кузманоски, Трајкоски)
Металург – 2 (Петковски, Петров)
Тиквеш – 1 (Кондев)
Охрид – 1 (Младеновиќ)
Босна и Херцеговина – 2
Еурофарм Пелистер – 2 (Периќ, Граџан)
Црна Гора – 3
Охрид – 1 (Брауновиќ)
Струга – 1 (Матовиќ)
Еурофарм Пелистер – 1 (Радовиќ)
Унгарија – 1
Еурофарм Пелистер – 1 (Секељ)
Хрватска – 3
Еурофарм Пелистер – 2 (Мараш, Божиќ Павлетиќ)
Вардар – 1 (Гаџа)
Србија – 1
Вардар – 1 (Ѓукиќ)
Полска – 2
Вардар – 2 (Чувара, Валчак)
Клубови со репрезентативци на ЕП:
Еурофарм Пелистер – 12
Вардар – 10
Алкалоид – 4
Бутел Скопје – 2
Еурофарм Пелистер 2 -2
Охрид – 2
Металург – 2
Струга – 1
Тиквеш – 1
Пролет – 1
ПОВРЗАНИ ВЕСТИ
