Во дуелот на двете последно пласирани екипи на табелата во плеј-офот од Женската лига, Стружанка на домашен терен беше убедлива против Пелистер и славеше победа од 30:20.
Домашниот тим имаше силен старт на мечот, отвори со 8:2 и целосно го контролираше резултатот. До полувремето Пелистер тешко постигнуваше гол и на паузата имаше негатива од седум гола, 15:8.
Продолжението не донесе никаква промена на теренот, Стружанка играше сигурно и постојано имаше сигурна позитива. До крај на натпреварот без поголеми проблеми одиграа рутински за победа и избегнување на дното на табелата.
Најпрецизна за екипата на Стружанка беше Магдалена Делиоска со седум гола, шест постигна Далипоска. Во екипата на Пелистер се истакна Марија Јанкуловска со осум погодоци.
ПОВРЗАНИ ВЕСТИ
