Репрезентацијата на Германија нема да се бори за медал на Светското кадетско првенство во Хрватска, откако во четвртфиналниот дуел со Шпанија немаше доволно сили и претрпе пораз со четири гола разлика, 32:28.
Германија, која на Светското кадетско првенство во Македонија (2019) го освои среброто, ќе мора да се задоволи со најмалку петто место, додека Шпанија ќе се обиде да стигне до финале и конечно да го освои златото на кадетските Мундијали.
Шпанија во 2011 и 2017 играше финале против Данска и Франција, но немаше многу среќа во борбата за светски кадетски шампион.
Кадетите на Шпанија во полуфиналето ќе играат со подобриот од дуелот меѓу Хрватска и Норвешка.
Египет по победата над Фарски Острови од 38:34 си обезбеди место меѓу најдобрите четири светски репрезентации.
Ривал на Египет во полуфиналето ќе биде победникот од дуелот меѓу Португалија и Данска.
Бранителот на трофејот од Македонија преку Фарски Острови до полуфинале на СП
ПОВРЗАНИ ВЕСТИ
