Суперлигашот од Србија, Раднички Крагуевац го реши тренерското прашање, откако успеа да склучи договор со прославениот српски ракометар, Жикица Милосављевиќ, некогашен ракометар на Куманово и поранешен репрезентативец на Југославија, односно Србија.
Тимот од Крагуевац го напушти довчерашниот тренер, Веселин Вуковиќ поради приватни причини, а до пред извесен период се шпекулираше дека кормилото на тимот ќе го преземе селекторот на машката младинска репрезентација на Србија, Ѓорѓе Теодоровиќ.
Сепак, меѓу Раднички Крагуевац и Теодоровиќ не дојде до соработка, па така управата на клубот реши да го ангажира искусниот Милосављевиќ, кој во својата тренерска кариера ги предводеше и екипите на Јабука, Коњух Живинице, Локомотива Брчко и Црвена Звезда.
Милосављевиќ, моментално, работи и како асистент во сениорската репрезентација на Србија, која е предводена од Тони Херона. Освен за Куманово, 50-годишниот српски стручњак во својата играчка кариера настапуваше и за Металопластика, Целје, Црвена Звезда, Ваљадолид, Динамо Панчево, Босна Сараево…
ПОВРЗАНИ ВЕСТИ
